Hoegfrankisch
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Hoegfrankisch is de verzaomelnaom veur alle Frankische dialekte die oonder de Speyerer Linie ligke en 'n euvergang vörme vaan 't Middelduits nao 't Opperduits, en ouch get op 't Jiddisch lieke. Dees dialekte bevinde ziech in 't zuidooste vaan 't Frankisch taolgebeed, en zien al sterk beïnvlood door de Opperduitse dialekte wie 't Beiers-Oosterieks, Zwabisch en Alemannisch. Ze weure verdeild in twie grope: 't Oosfrankisch (in Oos-Hesse, Wes-Turinge en Noord-Beiere) en 't Zuidfrankisch (in noordelek Baden-Württemberg). De Duitse Standerdtaol is beïnvlood door 't Oosfrankisch, maor is gein Hoegfranksiche taol.