Meteoroïde

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Euvergaank van meteoroïde nao meteoor nao meteoriet

'n Meteoroïde is 'n stöb-, stein- of iesdeilke wat door de ruimte zweef. De gruutde kin variere vaan fien stöb tot groete rotsblokke (mie es 25 cm). Es 'n meteoroïde in de dampkrink vaan de Eerd terechkump zal ze in het algemein gaans verdampe (verbranne). Dit geit gepaard mèt 'n leechspoor. De meteoroïde weurt daan meteoor geneump. Es de meteoroïde de groond bereik weurt 't 'n meteoriet geneump.

Meteoroïde zien miestal reste vaan komete, mer kinne ouch euverbliefsele zien vaan 't oontstoon vaan 't zonnestèlsel. Es 't vaan 'ne komeet aofkomstig is bevinde de meteoroïde ziech in de baon vaan de komeet. Es de baon vaan de Eerd die baon kruus, zien v'r op Eerd 'ne meteorezwerm. Bekinde meteorezwerme zien de Perseïde, die in augustus te zien zien, en de Leonide, die in november te zien zien.