Ouder-Amstel

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Gemeinte Ouder-Amstel
Provincie	Noord-Holland
Hoofplaats	Ouderkerk aan de Amstel
Börgemeister (lies)	Mieke Blankers-Kasbergen (CDA)
Opperflaakde – daovan water	25,81 km² 1,66 km²
Inwoeners – deechde:	13.156 (1-4-2011) 545/km²

Ouder-Amstel is 'n gemeinte in de Nederlandse provincie Noord-Holland, in de agglomeratie vaan Amsterdam, mèt (1 juli 2006) 13.039 inwoeners en 'n oppervlak vaan 26,15 km². In de gemeinte ligke de dörper Duivendrecht en Ouderkerk aan de Amstel en de naobersjap Waver.

Ouder-Amstel waor in vreuger iewe al 'n hierlekheid, die same mèt Niewer-Amstel 't Amstelland vörmde. D'n oersprunk vaan de naom ligk in Amsterdam zelf: dao bebouwde me iers d'n ooskant vaan d'n Amstel en daan pas de weskant, wat veurde tot de naome Oude Zijde en Nieuwe Zijde. Die naome heet me daonao stroumopweerts touwgepas op 't Amstelland. Nieuwer-Amstel hèt allewijl Amstelveen.

De gemeinte is gooddeils steidelek bebouwd en ligk ingeklemp tösse Amsterdam-stad, Diemen, Amstelveen en Amsterdam-Zuidoos. Boete es woen- en kantoercentrum is de gemeinte veural op verkiersgebeed vaan belang, oonder mie door de groete statie vaan Duivendrecht. Roontelum Ouderkerk aan de Amstel is nog get mie greun te vinde; dit gebeed is in trèk veur recreatie. Ouch heet Ouderkerk, väöl mie es Duivendrecht, zie dörps karakter nog behawwe.

Externe link

• Website vaan de gemeinte