Runde van Frankriek

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Aan dit artikel weurt de kómmenden tied nog gewirk.
Tot daen tied kan d'n inhaud van 't artikel veurnaam informatie misse of nog neet good in zie verbandj ligke.

De Runde van Frankriek of de Tour de France is 'n fietsren-wedsjtried, van ca drie weke, woa versjillende rennersj aan mèt doon, meis professionals. De race besjteit oet 'n aantal vlake etappes, bergetappes en tiedritte, die veurnamelik door Frankriek loupe. De sjtart kèn ouch boete dit land plaats vinge. De finish ies op de Champs-Elysées in Paries. De titelhouwer van dees runde ies op diet moment de Australiër Cadel Evans.

De ièrsjte tour vóng plaats in 1903 en woort georganiseerd door Henri Desgrange, hoofredacteur van het tiedjsrif L'Auto, nao 'n idee van ziene collega Georges Lefèvre, dae de directeur van de 1sjte Tour de France zou were. Marcel Kerff oet Sjoppem, buurtsjap va Voere, gebaore in S'n Maeëte 1866 doog mèt aan dae ièrsjte Tour de France en woort zèsde.^[1]^[2]

Saer 1984 besjteit 'r ouch 'n tourversie veur vrouwe, Le Tour Féminin geneump (La Grande Boucle Féminine Internationale).

Belangrieke winnaersj

Belangrieke winnaersj van de Tour de France zint Jacques Anquetil en Bernard Hinault (allebei oet Frankriek), de Belsj Eddy Merckx en de Sjpanjaard Miguel Induráin, die eder 5 kièr de Tour gewónne höbbe. De Amerikaan Lance Armstrong wón 7 kièr achterein van 1999-2005, meh die winste woorte häöm in 2012 aafgenome naodat hae sjöldig waor bevónge aan 't gebruuk van doping.

Bekènde bergetappes

De meis bekènde en beruchte bergetappes in de Tour zint:

De Mont Ventoux, de kale berg in de Provence
De Col d'Aubisque
De Col du Galibier, in de Alpe, van 2645 maeter hoag.
De Alpe d'Huez in de Alpe
De Ballon d'Alsace in de Vogeze
De Col de Portet d'Aspet in de Pyreneeë
De Tourmalet mèt 2115 m. de hoagste berg in de Pyreneeë
De Col d'Izoard in de Alpe
De Puy de Dôme in 't Centraal Massief
La Plagne

De renner, dae de meiste punte haolt bie de bergbeklumminge maog de bölkestrui drage (wiet mèt roa bölkes)

Klassemente

Behalve de sjtried um 't eindzege (de favoriet dreug de gaele trui) vechte de rennersj en rennersjploge um punte, die in eder etappe te verdene zint. De renner mèt 't hoagste aantal punte in 'n bepaald klassement maog in de dao op volgende etappe 'ne speciaal gekleurde of geprintde trui drage. Mèt de diverse klassemente zint bonusse te verdene.

In 't algemein klassement dreug de bèste renner 'ne gaele trui.
In 't punteklassement, gescoord aan 't ing van 'n etappe of tösjesjprint, krieg de renner 'ne greune trui
In 't bergklassement ies de bèste renner herkènbaar aan de bölkestrui, wiet mèt roa bölkes

Deze trui ies veur de bès geclasseerde jóngere renner ónder 'ne bepaalde laeftied.

'ne Renner, dae op 'ne bepaalde daag 't meis aanvallend haet gereje, krieg van de jury 'n road röknummer in plaats van 't gebrukelike zjwart.

De bèste ploog ies herkènbaar aan gael röknummersj. Ederen daag were de tieje van de ièrsjte drie rennersj van 'ne ploog opgetèld. De gael röknummersj were door de bèste ploog gedrage.

Belsj-Limburgse deilnummersj

Mansluuj

Gerard Loncke oet Pelt. Winnaer van 2 etappes.
René Martens oet Hasselt. Winnaer van 1 etappe.
Jordi Meeus oet Lommel. Winnaer van 1 etappe.
Wilfried Nelissen oet Wille. Winnaer van 1 etappe.
Gert Steegmans oet Hasselt. Winnaer van 2 etappes.
Eric Vanderaerden oet Herk. Winnaer punteklassement in 1986. Winnaer van 5 etappes.
Jelle Vanendert oet Nerpelt. Drager van de bölkestrui. Winnaer van 1 etappe.
Martin Vangeneugden oet Zietendaol. Winnaer van 6 etappes.
Willy Vannitsen oet Gingelom. Winnaer van 2 etappes.
Marc Wauters oet Hasselt. Winnaer van 1 etappe.
Paul Wellens oet Hasselt. Winnaer van 2 etappes.

...

Vrouwluuj

...

Nederlands-Limburgse deilnummersj

Mansluuj

Eddy Beugels oet Zitterd
Martin van den Borgh oet De Boesj
Piet van den Brekel oet Ech
Tom Dumoulin oet Mestreech. Winnaar van 3 etappes.
Piet Haan oet Mechele
Max van Heeswijk oet Gebrook
Sjefke Janssen oet Aelse
Wim Kelleners oet Heële
Jaap Kersten oet Siêbegewâld
Ben Koken oet Beech
Jef Lahaye oet Bung
Theo van der Leeuw oet Ech
Jan Nolten oet Aelse. Winnaar van 2 etappes.
Ger Harings oet Sjuuëlder
Huub Harings oet Sjuuëlder
Jan Krekels oet Bor. Winnaar van 1 etappe.
Jan Lambrichs oet Mestreech
Marc Lotz oet Valkeberg
Jo Maas oet Èèsjde. Winnaar van 1 etappe.
Frans Maassen oet Brach. Winnaar van 1 etappe.
Danny Nelissen oet Zitterd. Houw in 1996 'n paar daag de bölkestrui.
Wout Poels oet Blitterswik. Winnaar van 1 etappe.
Mathieu Pustjens oet Roostere
Wim Schepers oet Sjtein
Huub Sijen oet Mestreech
Henk Steevens oet Gelaen
Fons Steuten oet Wieërt
Harrie Steevens oet Aelse
Mike Teunissen oet IJselstein. Winnaar van 1 etappe.
Jo Vrancken oet Lin
Ad Wijnands oet Èèsjde. Winnaar van 2 etappes.
Peter Winnen oet IJselstein. Winnaar van 3 etappes.

In totaal höbbe bie de mansluuj Nederlands-Limburgse renners 15 etappe-euverwinninge op hunne naam sjtaon.

Vrouwluuj

Gesjiedenis

Referenties

↑ D'r Koeënwoof, een uitgave van de Heemkring Voeren en Omstreken; nr. 10, juli 1995; Rob Brouwers, De gebroeders Marcel en Charles Kerff.
↑ Herman Laitem, Honderd jaar wielrennen in Limburg; 1995; Coda, Antwerpen

[D'r_Koeënwoof_1995-1] D'r Koeënwoof, een uitgave van de Heemkring Voeren en Omstreken; nr. 10, juli 1995; Rob Brouwers, De gebroeders Marcel en Charles Kerff.

[Laitem-2] Herman Laitem, Honderd jaar wielrennen in Limburg; 1995; Coda, Antwerpen

[1]

[2]