Cora van Nieuwenhuizen
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Cornelia van Nieuwenhuizen-Wijbenga (Ridderkerk, Zuid-Holland, 12 juni 1963), doorgaons bekind es Cora van Nieuwenhuizen, is 'n Nederlands politica vaan de VVD. Zie is sinds 26 oktober 2017 minister vaan Infrastructuur en Waterstaot in 't Nederlands kabbinèt-Rutte III.
Ze studeerde in de jaore tachteg sociaol geografie aon de Universiteit vaan Utrech, en studeerde daonao wijer in Nyenrode en Tilbörg. Vaan 1987 bis 1991 wèrkde zie veur de baank vaan Lyon (Crédit Lyonnais) in Nederland. Daonao wèrkde zie vaan 1991 bis 2007 in 't managementsdepartemint vaan 'n artsepraktijk veur bieste. Oondertösse heet zie in deen tied al 'n brei polletiek carrière gehad. Zie waor geimenteraodslid vaan Oisterwijk (1994-2006), lid vaan de Provinciaol Staote vaan Noord-Braobant (2003-2007), lid vaan de Gedeputeerde Staote vaan Noord-Braobant (2007-2010), lid vaan de Twiede Kamer (2010-2014), lid vaan 't Europees Parlemint (2014-2017 en sinds 2017 Minister vaan Infrastructuur en Waterstaot.
In fibberwarie 2019 kraog Van Nieuwenhuizen väöl kritiek vaan lui die neet wied vaan vleegveld Schiphol hojze. Naotot Van Nieuwenhuizen had verklaort tot Schiphol nao 2020 wel wijer kos greuje, neumde woordveurders vaan de gemeinsjap roontelum 't vleegveld dees oetspraok "väols te vreug". Ouch coalitiepartners vaan de VVD in 't kabbinèt-Rutte III bekritiseerde dit standpunt.