Crimea

ZE	Quésta pàgina a l'é scrîta in zenéize, segóndo a grafîa ofiçiâ

Crimêa (in léngoa ucraìnn-a e rùscia Krym) - Penîzoa de l’Ucrainn-a.

E colònie zeneixi inta Crimêa into XV sécolo

Stöia

A costitoîva a Repùbrica outònoma de Crimêa (26.100 km² con 2.353.100 abitanti into 2014), con capolêugo Simferopol, e a fâxeiva parte da Repùblica de l'Ucraìnn-a, scinn-a-o 2014, quand'a l'é stæta anéssa a-a Rùscia, dòppo 'n referendom tegnûo inte quel'anno. A comunitæ internaçionâle a no l'à riconosciûo sto referendom e a parla d'anesción.

Inta Crimêa gh'êa inte l'Etæ de Mêzo inportanti colònie zeneixi, comme Caffa, ch'ancheu a se ciamma Feodòsia (ò Theodòsia), e Soldàia, ch'ancheu a se ciamma Sudak.

Queste colònie formâvan a provinça ciamâ Gothia, c'a l'êa 'na striscia into Sud da Crimêa ch'a l'andâva da Caffa scinn-a Cénbalo. O primmo càrego de sæa da-a Cinn-a o l'êa arivòu chi into 1257.

I Zeneixi són restæ into Mâ Neigro scinn-a-o 1475, quande e colònie son stæte conquistæ da-i Òtomànn-i.

Fortificaçión zeneize a Sudak

Âtri progètti

Altri progetti

• Wikimedia Commons

• Wikimedia Commons a contêgne di files in sce Crimea