Fanovana Jodaisma (fizarana)

== Ny Jiosy ==
Ny [[Jiosy]] na Jody dia ireo [[Zanak' i Israely]] niaina taorian' ny [[fahababoana tany Babilôna]], na ny olona manaraka ny fivavahana [[jodaisma]]. I [[Israely]] no tany fiavian' ny Jiosy sy ny jodaisma. Araka ny [[Baiboly]] dia nomen' i [[Iahveh]] [[Andriamanitra (tokana)|Andriamanitra]] azy ireo io tany io. Miisa any amin' ny 14&nbsp;000&nbsp;000 ny Jiosy amin' izao. 

Ankehitriny na ny hoe ''Jiosy'' na ''Jody'' dia teny enti-manondro indrindra ireo mponina tao [[Jodea]] (na Jodia) tamin' ny andron' i [[Jesoa]] na ireo olona mpivavaka amin' ny [[jodaisma]]. Zavatra roa samy hafa ireo, nefa mifampiankina, satria misy ny Jiosy noho ny firenena niaviany, mety ho Kristiana na tsy mivavaka ireo; nefa misy koa ny Jiosy noho ny fivavahany. Ny dikany voalohany anefa no hita ao amin' ny [[Baiboly]]. Ny Lalàna israeliana ankehitriny dia mamaritra ny atao hoe Jiosy ho olona nateraka reny jiosy na olona niova finoana ho amin' ny jodaisma<ref name=":1"><small>[https://web.archive.org/web/20131021112918/http://www.icsresources.org/content/curricula/ReligiousOrEthnic.pdf "Are Jews a Religious Group or an Ethnic Group?"] (PDF). Institute for Curriculum Services''.''</small></ref>.