Fanovana Sabata (fizarana)

=== Ao amin' ny Genesisy ===
Ao amin’ ny fitantarana momba ny [[Famoronana (araka ny Baiboly)|Famoronana]] ao amin' ny [[Bokin' ny Genesisy|Genesisy]], no iresahana voalohany ny Sabata (avy amin' ny [[Fiteny hebreo|teny hebreo]] hoe שָׁבַת֙ / ''shabbat'') dia ny andro fahafito izay natokana ho andro fitsaharana sy nohamasinin' Andriamanitra (Genesisy 2:2–3). Ny fitandremana sy ny fahatsiarovana ny Sabata (hebreo: שַׁבָּת shabbat) dia iray amin' ny [[Didy Folo]] (didy fahefatra ao amin' ny [[Jodaisma|Jiosy]], ny [[Fiangonana ôrtôdôksa tatsinanana|Ôrtôdôksa tatsinanana]], ary ny ankamaroan' ny [[Prôtestantisma|Prôtestanta]], fa didy fahatelo kosa amin' ny [[Eglizy katôlika rômanina|Katôlika]] sy ny [[Loteranisma|Lôterana]]).

"2 ''Ary tamin' ny andro fahafito dia vitan' [[Andriamanitra ao amin' ny fivavahana abrahamika|Andriamanitra]] ny asa efa nataony; ary dia nitsahatra tamin' ny [[Tetiandro hebreo|andro fahafito]] Izy tamin' ny asany rehetra izay efa nataony''. 3 ''Ary Andriamanitra nitahy ny andro fahafito sy nanamasina azy, satria tamin' izany no nitsaharan' Andriamanitra tamin' ny asany rehetra izay noforoniny tamin' ny nanaovany azy''." (Genesisy 2:2–3, ''[[Baiboly prôtestanta amin' ny teny malagasy|Ny Baiboly]]'')