Location via proxy:   [ UP ]  
[Report a bug]   [Manage cookies]                
Lompat ke isi

Bukiktinggi

Wikipedia Minangkabau - Lubuak aka tapian ilimu
(Dialiahkan dari Bukittinggi)
Bukiktinggi
بوكيق تيڠڬي
Salah satu suduik Kota Bukittinggi
Balai Kota BukittinggiJalan Ahmad Yani dilihat dari Jembatan Limpapeh
Janjang Koto GadangNgarai Sianok
Dari ateh, kida ka suok: Salah satu suduik Kota Bukittinggi, panorama dari Gunuang Marapi, patuang Tuanku Imam Bonjol, Jam Gadang, Jambatan Limpapeh, Balai kota, Jalan Ahmad Yani, Janjang Koto Gadang, Ngarai Sianok.
Logo rasmi Bukiktinggi بوكيق تيڠڬي
Logo
Julukan: Koto Jam Gadang
Semboyan: Saayun Salangkah (Makna: Pasatuan jo kasatuan.[1])
Latak Bukittinggi di Sumatera Barat
Latak Bukittinggi di Sumatera Barat
Bukiktinggi بوكيق تيڠڬي di Indonesia
Bukiktinggi بوكيق تيڠڬي
Bukiktinggi
بوكيق تيڠڬي
Latak Bukittinggi di Indonesia
Koordinat: 0°17′8.93″S 100°22′3.61″E / 0.2858139°S 100.3676694°E / -0.2858139; 100.3676694
NagaraIndonesia
ProvinsiSumatera Barat
Pamarintahan
 • Wali kotaErman Safar
Laweh
 • Total25,24 km2 (9,75 sq mi)
Panduduak (2021)
 • Total128.944
 • Kapadatan5,100/km2 (13,000/sq mi)
 • AgamoIslam 97,36%
Kristen 2,50%
- Protestan 1,62%
- Katolik 0,88%
Buddha 0,13%
Hindu 0,01%[2]
 [3]
Zona wakatuWIB (UTC+7)
Kode wilayah+62 752
IPM (2020)▼ 80,58
sangaik tinggi [4]
DAU (2020)Rp 470.291.251.000,-[5]
Situs webbukittinggikota.go.id

Bukiktinggi (jugo disabuik Kiktinggi atau Kikgaduang; Jawi: بوكيق تيڠڬي) adolah koto jo parekonomian paliang gadang kaduo di Provinsi Sumatera Barat, Indonesia.[6] Kota iko panah manjadi ibu kota Indonesia pado maso Pamarintahan Darurat Republik Indonesia.[7][8] Kota iko juo panah manjadi ibu kota Provinsi Sumatera jo Provinsi Sumatera Tengah.[9] Kota iko pado zaman kolonial Ulando disabuik jo Fort de Kock dan mandapek gala sabagai Parijs van Sumatra. Bukittinggi tanamo sabagai kota pajuangan banso dan marupokan tampek kalahiran babarapo tokoh pandiri Republik Indonesia, di antaronyo adolah Mohammad Hatta jo Assaat nan masiang-masiang marupokan proklamator jo pajabaik presiden Republik Indonesia.

Kota Bukittinggi talatak pado rangkaian Bukik Barisan atau sakitar 90 km arah utara dari Kota Padang. Kota iko barado di tapian Ngarai Sianok dan dikaliliangi dek duo gunuang yaitu Gunuang Singgalang jo Gunuang Marapi. Lokasinyo pado katinggian 909–941 mdpl manjadikan Bukittinggi kota bahao sajuak jo suhu bakisar antaro 16.1–24.9 °C. Laweh Bukittinggi sacara de jure adolah 145,29 km², mangacu pado Peraturan Pemerintah Nomor 84 tahun 1999.[10] Namun, dek panulakan sabagian masyarakaik Kabupaten Agam, laweh wilayah sacaro de facto kini adolah 25,24 km², nan manjadikan Bukittinggi sabagai salah satu kota jo wilayah paliang sampik di Indonesia.

Kota Bukittinggi marupoikan salah satu pusek niago grosir paliang gadang di Pulau Sumatera. Pusek niago utamonyo ado di Pasa Ateh, Pasa Bawah, jo Pasa Aua Kuniang. Dari sektor parekonomian, Bukittinggi marupokan kota jo PDRB paliang gadang kaduo di Sumatera Barat, sasudah Kota Padang.[11] Tampek wisata nan rami dikunjuangi adolah Jam Gadang, yaitu sabuah minaro jam nan talatak di jantuang kota nan juo manjadi simbol bagi Bukittinggi.

Sijarah

[suntiang | suntiang sumber]

Kota Bukittinggi samulo marupoan pakan atau pasa bagi masyarakaik Agam Tuo. Sasudah kadatangan Balando, kota iko manjadi kubu partahanan mereka untuak malawan Kaum Padri.[12] Pado tahun 1825, Balando managakan benteng di salah satu bukik nan ado di dalam kota iko. Tampek iko dikenal sabagai benteng Fort de Kock, sakaligus manjadi tampek paristirahatan opsir-opsir Balando nan barado di wilayah jajahannyo. Pado masa pamarentahan Hindia Belanda, kawasan iko taruih ditingkekan parannyo dalam katatanegaraan nan kudian bakembang manjadi sabuah stadsgemeente (kota),[13] dan punyo fungsi pulo sabagai ibu kota Afdeeling Padangsche Bovenlanden dan Onderafdeeling Oud Agam.[14]

Pado maso pandudukan Japang, Bukittinggi dijadikan sabagai pusek pangandalian pamarintahan militernyo untuak kawasan Sumatera, bahkan sampai ka Singapura jo Thailand. Kota iko manjadi tampek kadudukan komandan militer ka-25 Kempetai, di bawah pimpinan Mayor Jenderal Hirano Toyoji.[15] Kudian kota iko baganti namo dari Stadsgemeente Fort de Kock manjadi Bukittinggi Si Yaku Sho nan daerahnyo dipalaweh jo mamasuakkan nagari-nagari sakitarnyo sarupo Sianok Anam Suku, Gadut, Kapau, Ampang Gadang, Batu Taba, jo Bukik Batabuah. Kini nagari-nagari tasabuik masuak ka dalam wilayah Kabupaten Agam.

Salapeh kamardekaan Indonesia, Bukittinggi ditatapkan sabagai Ibu Kota Provinsi Sumatera, jo gubernurnyo Mr. Teuku Muhammad Hasan.[16] Kudian Bukittinggi juo ditatapkan sabagai wilayah pamarintahan kota manuruik Ketetapan Gubernur Provinsi Sumatera Nomor 391 tanggal 9 Juni 1947.

Pado maso mampatahankan kamardekaan Indonesia, Kota Bukitinggi mampunyoi peran sabagai kota pajuangan. Pado tanggal 19 Desember 1948 kota iko ditunjuak sabagai Ibu Kota Nagara Indonesia salapeh Yogyakarta jatuah ka tangan Ulando atau tanamo jo Pamarintahan Darurat Republik Indonesia (PDRI). Di kudian hari, kajadian iko ditatapkan sabagai Hari Bela Negara, manuruik Keputusan Presiden Republik Indonesia tanggal 18 Desember 2006.[17][18]

Salanjuiknyo Kota Bukittinggi manjadi kota besar manuruik Undang-undang Nomor 9 Tahun 1956 tantang pambantukan daerah otonom kota gadang dalam lingkungan daerah Provinsi Sumatera Tengah maso itu,[19] nan maliputi wilayah Provinsi Sumatera Barat, Jambi, Riau, jo Kapulauan Riau kini.

Dalam rangka paluasan wilayah kota, pado taun 1999 pamarintah manabikkan Peraturan Pemerintah Nomor 84 Tahun 1999 nan isinyo manggabuangkan nagari-nagari di sakitar Bukittinggi ka dalam wilayah kota. Nagari-nagari tasabuik yaitu Cingkariang, Gaduik, Sianok Anam Suku, Guguak Tabek Sarojo, Ampang Gadang, Ladang Laweh, Pakan Sinayan, Kubang Putiah, Pasia, Kapau, Batu Taba, dan Koto Gadang.[20] Namun, sabagian masyarakaik Kabupaten Agam manulak untuak bagabuang jo Bukittinggi sainggo peraturan itu alun juo dapek dilaksanakan inggo kini.[21]

Panduduak

[suntiang | suntiang sumber]

Kini ko Bukittinggi marupoan kota paliang padek di Provinsi Sumatra Barat, dengan tingkat kepadatan mancapai 4.400 jiwa/km². Jumlah angkatan karajo sabanyak 52.631 urang dan sakitar 3.845 orang di antaronyo marupoan pangangguran.[22]

Kota iko didominasi dek etnis Minangkabau, tetapi ado pulo etnis Tionghoa, Jawa, Tamil, jo Batak.[23]

Geografi

[suntiang | suntiang sumber]

Kota Bukittinggi talatak pado rangkaian Bukik Barisan nan mambujua sapanjang Pulau Sumatera, dan dikuliliangi dek duo gunuang barapi yaitu Gunuang Singgalang jo Gunuang Marapi. Kota iko barado pado katinggian 909–941 meter di ateh parmukaan lauik, dan mamiliki hawo sajuak dengan suhu bakisar antaro 16.1–24.9 °C. Samantaro itu, dari total lueh wilayah Kota Bukittinggi maso kini (25,24 km²), 82,8% alah diparuantuakan manjadi lahan budidayo, sadangkan sisonyo marupoan hutan linduang.

Kota iko mamiliki topografi babukik-bukik jo balambah, babarapo bukik tasabuik tasebar dalam wilayah pakotaan, di antaronyo Bukik Ambacang, Bukik Tambun Tulang, Bukik Mandiangin, Bukik Campago, Bukik Kubangankabau, Bukik Pinang Nan Sabatang, Bukik Canggang, Bukik Paninjauan, dan sabagainyo.[24] Salain itu, ado lambah nan tanamo jo Ngarai Sianok nan kadalamannyo baragam antaro 75–110 m, nan di dasarnyo mangalia batang aia nan banamo Batang Masang.

Data iklim Bukittinggi
Bulan Jan Peb Mar Apr Mai Jun Jul Agt Sep Okt Nov Des Tahun
Rato-rato harian °C (°F) 23.7
(74.7) 		23.7
(74.7) 		23.9
(75) 		24.4
(75.9) 		24.4
(75.9) 		23.7
(74.7) 		23.6
(74.5) 		23.7
(74.7) 		24.0
(75.2) 		24.4
(75.9) 		24.3
(75.7) 		23.9
(75) 		24.0
(75.2)
Presipitasi mm (inci) 251.8
(9.913) 		215.3
(8.476) 		244.6
(9.63) 		282.6
(11.126) 		165.8
(6.528) 		106.6
(4.197) 		108.7
(4.28) 		127.2
(5.008) 		167.4
(6.591) 		176.3
(6.941) 		215.6
(8.488) 		228.3
(8.988) 		2.290,2
(90,165)
Rato-rato ari baujan 16.7 14.0 16.5 18.6 16.3 13.7 14.4 16.3 18.0 21.1 22.7 21.0 209.3
Sumber: [25]

Pamarentahan

[suntiang | suntiang sumber]

Daftar Wali Kota

[suntiang | suntiang sumber]
No Wali Kota[26] Mulo manjabaik Akhia manjabaik Prd. Ket. Wakil Wali Kota
1
Bermawi Sutan Rajo Ameh
1945
1945
—
2
Iskandar Tedjasukmana
1945
1945
3
Djamin Datuk Bagindo
1945
1947
4
Aziz Karim
5
Eni Karim
6
Saadudin Jambek[27]
1950
1952
7
Nauman Djamil Dt. Mangkuto Ameh
1952
1957
8
MB. Dt. Majo Basa Nan Kuning
9
Syahbuddin Latif Dt. Sibungsu
10
dr.
Abdoel Rivai
1958
1959
11
Baharuddin Kamil
1959
1960
12
Anwar Maksum Marah Sutan
1960
1966
13
Prof.
M. Asril
SH
1966
1968
14
H.
A. Kamal
SH
1968
1976
15
Drs.
Masri
1976
1978
16
Drs.
Oemar Gaffar
1978
1983
17
Drs.
B. Burhanuddin
1983
1988

-

Drs. H.
Hasan Basri
(Pelaksana tugas)
1988
1989
18
H.
Armedi Agus
1989
1999

-

Drs.
Rusdi Lubis
(Pelaksana tugas)
1999
2000
19
Drs. H.
Djufri
2000
2005

-

Drs. H.
Oktisir Sjovijerli Asir
(Pelaksana tugas)
2005
2005
(19)
Drs. H.
Djufri
2005
2010
20
H.
Ismet Amzis
S.H.
13 Agustus 2010
13 Agustus 2015
Harma Zaldi
-
H.
Abdul Gafar
S.E., M.M.
(Penjabat)
13 Agustus 2015
17 Februari 2016
21
H.
Ramlan Nurmatias
S.H.
17 Februari 2016
17 Februari 2021
Irwandi
-
H.
Yuen Karnova
S.E., M.E.
(Pelaksana Harian)
17 Februari 2021
26 Februari 2021
[28]
22
H.
Erman Safar
S.H.
26 Februari 2021
Petahana
[29]
Marfendi

Dewan Perwakilan

[suntiang | suntiang sumber]

Berikut iko adolah komposisi anggota DPRD Kota Bukittinggi dalam tigo periode balakangan.

Partai Politik Jumlah Kursi dalam Periode
2009-2014[30] 2014-2019[31] 2019-2024[32]
PKB 0 ▲ 1 Steady 1
Gerindra 1 ▲ 4 ▲ 5
PDI Perjuangan 0 ▲ 1 ▼ 0
Golkar 3 ▲ 4 ▼ 3
NasDem (baru) 1 ▲ 2
PKS 3 Steady 3 ▲ 5
PPP 3 Steady 3 ▼ 2
PAN 3 ▼ 1 ▲ 3
Hanura 2 ▲ 3 ▼ 0
Demokrat 8 ▼ 4 Steady 4
PBB 1 ▼ 0 Steady 0
Lambang PKPI PKPI 1 ▼ 0 Steady 0
Jumlah Anggota 25 Steady 25 Steady 25
Jumlah Partai 9 ▲ 10 ▼ 8

Pambagian administratif

[suntiang | suntiang sumber]
Kode Kemendagri Kecamatan Jumlah
Kelurahan		 Daftar
Kelurahan
13.75.03 Aur Birugo Tigo Baleh 8
13.75.01 Guguk Panjang 7
13.75.02 Mandiangin Koto Selayan 9
TOTAL 24

Pandidikan

[suntiang | suntiang sumber]
Pendidikan formal TK SD atau MI negeri dan swasta SMP atau MTs negeri dan swasta SMA negeri dan swasta MA negeri dan swasta SMK negeri dan swasta Perguruan tinggi
Jumlah satuan 34 65 19 11 5 13 18
Data sekolah di kota Bukittinggi
Sumber:[33][34][35]


Olahraga

[suntiang | suntiang sumber]

Masyarakaik Bukittinggi sangaik manyukoi olahraga bakudo, dan satiok taunnyo kota iko maadokan lomba pacuan kudo di Bukik Ambacang, nan alah diadokan sajak taun 1889.[12] Palombaan pacuan kudo iko masih sarangkaian jo palombaan pacuan kudo nan taseba di Sumatera Barat. Dek adonyo palombaan iko, mandorong urang-urang taranak kudo untuak tatap batahan dan meaanfaatkan tradisi iko sabagai sumber mato pancarian.[36]

Kota kamba

[suntiang | suntiang sumber]

Kota lain nan manjadi Sister City dari kota Bukittinggi adolah:

Galeri

[suntiang | suntiang sumber]
  • Jam Gadang di Bukittinggi
    Jam Gadang di Bukittinggi
  • Ngarai Sianok
    Ngarai Sianok
  • Batu basurek Fort de Kock
    Batu basurek Fort de Kock
  • Karamaian dakek Jam Gadang
    Karamaian dakek Jam Gadang

Rujuakan

[suntiang | suntiang sumber]
  1. ↑ "Salinan arsip". Diarsipkan dari versi asli tanggal 2020-09-18. Diakses tanggal 2020-08-25. 
  2. ↑ "Visualisasi Data Kependuduakan - Kementerian Dalam Negeri 2020" (visual). www.dukcapil.kemendagri.go.id. Diakses tanggal 30 Juli 2021. 
  3. ↑ Kota Bukittinggi Dalam 2021
  4. ↑ "Metode Baru Indeks Pembangunan 2019-2020". www.bps.go.id. Diakses tanggal 11 April 2021. 
  5. ↑ "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (PDF). www.djpk.kemenkeu.go.id. (2020). Diakses tanggal 11 April 2021.  [pranala nonaktif permanen]
  6. ↑ "Pola dan Model Keruangan Kualitas Penerimaan Sinyal Telepon Seluler di Kota Bukittinggi". Diarsipkan dari versi asli tanggal 2018-10-04. Diakses tanggal 2013-12-26. 
  7. ↑ Mestika Zed, Eddy Utama, Hasril Chaniago; Sumatra Barat di panggung sejarah, 1945-1995; Panitia Peringatan 50 Tahun RI, 1995.
  8. ↑ "Salinan arsip". Diarsipkan dari versi asli tanggal 2020-01-01. Diakses tanggal 2020-01-01. 
  9. ↑ Pramoedya Ananta Toer, Koesalah Soebagyo Toer, Ediati Kamil; Kronik Revolusi Indonesia: 1947, Kepustakaan Populer Gramedia, 2001
  10. ↑ http://penataanruang.pu.go.id/bulletin/index.asp?mod=_fullart&idart=94[pranala nonaktif permanen][pautan nonaktif salamonyo]
  11. ↑ Bukittinggi - Kompaspedia[pranala nonaktif permanen][pautan nonaktif salamonyo]
  12. ↑ a b Asnan, Gusti, (2003), Kamus sejarah Minangkabau, Pusat Pengkajian Islam dan Minangkabau, ISBN 978-979-97407-0-0.
  13. ↑ Sujamto, (1991), Cakrawala otonomi daerah, Sinar Grafika, ISBN 978-979-8061-17-2.
  14. ↑ http://www.docstoc.com Pembangunan-infrastruktur Kota Bukittinggi masa kolonial Belanda. Diakses pado 13 Maret 2021.
  15. ↑ Barbara Gifford Shimer & Guy Hobbs, (2010), The Kenpeitai in Java and Sumatra, Equinox Publishing, ISBN 978-602-8397-10-0.
  16. ↑ Hasan, Teuku Moehammad (1991). Meester Teuku Moehammad Hasan memoir gubenur Sumatra dari Aceh ke pemersatu bangsa. Papas Sinar Sinanti. ISBN 979-9314-00-3. 
  17. ↑ http://www.setneg.go.id Archived 2012-01-30 di Wayback Machine. Hari Bela Negara Archived 2012-06-12 di Wayback Machine..
  18. ↑ Hakiem, Lukman, (2008), 100 tahun Mohammad Natsir: berdamai dengan sejarah, Penerbit Republika, ISBN 978-979-1102-31-5.
  19. ↑ hukum.unsrat.ac.id Undang-undang Nomor 9 Tahun 1956 Archived 2011-11-05 di Wayback Machine. (diakses pada 29 Juni 2010)
  20. ↑ "Harian Haluan". Diarsipkan dari versi asli tanggal 2016-03-12. Diakses tanggal 2012-05-25. 
  21. ↑ http://www.pu.go.id Archived 2010-06-27 di Wayback Machine. Pemkot Bukittinggi Bertekad Menata Kembali Ruang Kota-nya Archived 2020-10-24 di Wayback Machine. (diakses pada 26 Juni 2010)
  22. ↑ Kutipan rusak: Tag <ref> indak sah; indak ado teks untuak ref banamo sumbar
  23. ↑ Budiman, Hikmat (2012) (dalam bahaso id). Kota-kota di Sumatra: enam kisah kewarganegaraan dan demokrasi. Interseksi Foundation. pp. 193. ISBN 978-979-99992-3-8. https://books.google.co.id/books/about/Kota_kota_di_Sumatra.html?id=AJFWMwEACAAJ&redir_esc=y. 
  24. ↑ Freek, Colombijn (2005). Kota Lama Kota Baru: Sejarah Kota-Kota di Indonesia. Ombak. pp. 158. OCLC 899070702. http://worldcat.org/oclc/899070702. 
  25. ↑ "Bukittinggi, Indonesia Travel Weather Averages". Weatherbase. Diakses tanggal 7 Maret 2016. 
  26. ↑ "Sejarah Kota Bukittingi". Pemerintahan Kota Bukittinggi. Pemerintahan Kota Bukittinggi. Diarsipkan dari versi asli tanggal 2018-11-21. Diakses tanggal 3 Januari 2018. 
  27. ↑ "archive copy" (PDF). Diarsipkan dari versi asli (PDF) tanggal 2022-01-26. Diakses tanggal 2021-03-12. 
  28. ↑ https://padangkita.com/ramlan-nurmatias-akhiri-jabatan-sekda-yuen-karnova-jadi-plh-wako-bukittinggi/
  29. ↑ https://padangkita.com/gubernur-sumbar-mahyeldi-lantik-11-kepala-daerah-ingatkan-visi-misi-harus-sesuai-dengan-provinsi/
  30. ↑ caleg-sumbar.com Caleg Terpilih Kota Bukittinggi[pranala nonaktif permanen]
  31. ↑ "Perolehan Kursi DPRD Kota Bukittinggi 2014-2019". Diarsipkan dari versi asli tanggal 2020-06-27. Diakses tanggal 2021-03-12. 
  32. ↑ Perolehan Kursi DPRD Kota Bukittinggi 2019-2024
  33. ↑ nisn.jardiknas.org Rekap data[pranala nonaktif permanen][pautan nonaktif salamonyo]
  34. ↑ ban-pt.depdiknas.go.id Hasil Pencarian Akreditasi Program Studi Archived 2010-02-10 di Wayback Machine. (diakses pada 27 Juni 2010)
  35. ↑ Bukittinggi Kota, - (-). "Potensi Kota Bukittinggi Bidang Pendidikan". Website Kota Bukittinggi. Diarsipkan dari versi asli tanggal 2020-12-04. Diakses tanggal 21 Desember 2020. 
  36. ↑ Bangun, M.. Tinjauan ekonomi-sosial & pembangunan sepanjang Sumatra dan Kalimantan Barat,. Yayasan Pola Pembangunan Indonesia. 
  37. ↑ "Bukittinggi: Jabaran Rencana Kota Kembar". Bukittinggi Department. Archived from the original on 2012-03-24. Diakses tanggal 10 Juli 2013. 

Pautan lua

[suntiang | suntiang sumber]
Diambiak dari "https://min.wikipedia.org/w/index.php?title=Bukiktinggi&oldid=3152397"