1861

1861 (MDCCCLXI) — година според општоприфатениот календар. Тоа била 1861 година од новата ера, 861. од вториот милениум, 61. од XIX век и втора од 1860-тите.

1861 во разни календари

Грегоријански календар	1861 MDCCCLXI
Ab urbe condita	2614
Ерменски календар	1310 ԹՎ ՌՅԺ
Асирски календар	6611
Бахајски календар	17–18
Балиски календар	1782–1783
Бенгалски календар	1268
Берберски календар	2811
Будистички календар	2405
Бурмански календар	1223
Византиски календар	7369–7370
Кинески календар	庚申年 (мет. мајмун) 4557 или 4497     — до — 辛酉年 (мет. петел) 4558 или 4498
Коптски календар	1577–1578
Етиопски календар	1853–1854
Еврејски календар	5621–5622
Хиндуистички календари
- Викрамска ера	1917–1918
- Сачка ера	1782–1783
- Кали-југа	4961–4962
Холоценски календар	11861
Игбоански календар	861–862
Ирански календар	1239–1240
Исламски календар	1277–1278
Јапонски календар	Манен 2 / Бункју 1 (文久元年)
Јавански календар	1789–1790
Јулијански календар	грегоријанската без 12 дена
Корејски календар	4194
Мингуо-календар	51 пред Р. Кина 民前51年
Нанакшахи	393
Тајландски сончев календар	2403–2404
Тибетски календар	阳金猴年 (машко железо-мајмун) 1987 или 1606 или 834     — до — 阴金鸡年 (женско железо-петел) 1988 или 1607 или 835

Други календари

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 7369 и 7370 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 6611 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 5621 и 5622 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2614.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 1861 година се протега во 4497 и 4498, додека според второто гледиште, годината трае во текот на 4557 и 4558 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 2404. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1277 и 1278 исламска година.

Настани

• 19 јануари - Џорџија станала петтата држава која се оделила од САД.

јуни

• 24 јуни - од печатницата на Анте Јакиќ, во Загреб, излегол од печат „Зборникот од народни умотворби“ на браќата Миладиновци, под наслов „Бугарски народни песни, собрани од браќа Миладиновци“.
• Во летото, солунскиот митрополит Неофит го свикал Синодот на којшто во документ – обвинение со 22 точки, бил сосема неосновано обвинет епископот Партенија Зографски, за антипатријаршиска дејност.
• Линколн станал шеснаесеттиот претседател на САД.
• Шест јужни држави се отцепиле од САД и формирале свој сојуз, наречен Конфедерација, а потоа Јужните држави повеле војна против Северните, позната како Граѓанската војна во САД.
• Излегува од печат делото Понижени и навредени на Фјодор Михајлович Достоевски.
• Излегува од печат второто издание на Цвеќиња на злото на Шарл Бодлер, во кое се додадени 32 нови песни и една нова секција „Париски слики“ (Tableaux Parisiens).

Родени

• 25 февруари - Рудолф Штајнер, австриски филозоф, книжевен научник, едукатор, уметник, драмски писател, и езотеричар.
• 7 мај - Рабиндранат Тагоре, бенгалски поет и филозоф.
• 24 декември - Иван Хаџи Николов, солунски книжар, трговец, еден од организаторите на ВМРО и член на ЦК на Организацијата.
• Мехмед VI, 36-от и последен султан на Отоманското Царство.
• Фердинанд Сакс-Кобург-Готски, кнез и цар на Бугариjа, познат како Фердинанд I.

Починале

• 10 март - Тарас Шевченко, украински писател.
• 25 јуни - Абдул Меџит I, триесетипрвиот султан на Отоманското Царство.
• Павел Јозеф Шафарик, словачки и чешки филолог и етнограф.

Надворешни врски

• 1861 на Ризницата ^?