Жина Дэвис
Виржиниа Элизабет «Жина» Дэвис (Англи: Virginia Elizabeth «Geena» Davis, 1956 оны Нэгдүгээр сарын 21-нд Массачусеттс мужийн Уорхэм хотод төрсөн) — Америкийн кино жүжигчин бөгөөд загвар өмсөгч байхдаа «Тутси»-гаар (1982) дэлгэцнээ танигдаж, «Ялаа» (1986), «Бийтлжүүс»-ээр (1988) зэрэг бүтээлүүдийн дүрээрээ амжилт олсон билээ.
| Жина Дэвис Geena Davis | ||
.jpg) Жина Дэвис 2013 онд | ||
| Бүтэн нэр | Виржиниа Элизабет Дэвис | |
| Иргэншил |  Америкийн Нэгдсэн Улс
| |
| Төрсөн огноо | 1956 оны 1 сарын 21 | |
| Төрсөн газар | Уорхэм, Массачусеттс, Америкийн Нэгдсэн Улс | |
| Танил үе | 1982—одоо | |
| Мэргэжлийн замнал | ||
|---|---|---|
| Мэргэжил | жүжигчин | |
| Гавьяа шагнал | Оскар (1989) Алтан бөмбөрцөг (2006) | |
«Гэнэтийн гийчин»-ий (1988) туслах дүрээр Оскар гардсан Дэвис «Тельма, Луиза хоёр» (1988), «Бидний лиг» (1992), «Аниргүй дурлал» (1994), «Шөнийн үнсэлт» (1996), «Стюарт Литтл»-ээр (1999) Оскар, Алтан бөмбөрцөг, БАФТА, Сатурн шагналуудад дэвшиж байлаа. Түүнчлэн «Ерөнхийлөгч эмэгтэй» (2005—2006) цувралын гол дүрээр Алтан бөмбөрцөг гардсан.
Эрт үеийн амьдрал
засварлахДэвис 1956 оны 1 сарын 21-нд Массачусеттс мужийн Уорхэм хотод төрсөн. Түүний ээж Люсилл (1919 оны 6 сарын 19-нд төрж, 2001 оны 11 сарын 15-нд нас барсан) нь багшийн туслах, түүний аав Уильям Ф.Дэвис (1913 оны 11 сарын 7-нд төрж, 2009 оны 4 сарын 2) нь барилгын инженер байжээ. Түүний эцэг эх хоёулаа Вермонтын жижиг хотуудаас гаралтай байв. [6] Жина Дэвис нь Данфорт ("Дан") хэмээх ахтай.
Бага наснаасаа тэр хөгжимд дуртай байв. Жина Дэвис төгөлдөр хуур, лимбэ сурч, өсвөр насандаа Уорхэм дэх сүмд их хуур буюу орган хөгжим сайн тоглодог байжээ. Дэвис Уорхэм ахлах сургуульд сурч, Шведийн Сандвикен хотод солилцооны оюутан болж, швед хэлээр чөлөөтэй ярьдаг болжээ.
1979 онд Бостоны их сургуулийг жүжигчин мэргэжлээр бакалаврын зэрэгтэй төгсжээ. Загвар өмсөгчийн ажлын гараагаа Нью-Иорк хотын Zoli загварын агентлагаас эхлүүлж байв.
Жина Дэвис 1970-аад оны сүүлчээр Шведэд болсон үндэсний телевизийн шоу нэвтрүүлэгт Чебурашка, Гена матар (Шведээр Druttem och Gena) зэрэг дүрүүдтэй шоу үзүүлбэрт оролцдог байсан тул дараа нь түүнийг Geena хочтой болгосон гэдэг яриа бий.
Цахим холбоос
засварлах
Commons: Жина Дэвис – Викимедиа зураг, бичлэг, дууны сан