Modifika ta' Spanja (sezzjoni)

=== Gwerra ċivili Spanjola ===
Fil-bidu tas-seklu 20 kien hemm żmien qasir ta' paċi fi Spanja, li matulu kellha rwol żgħir fil-kolonjaliżmu fl-Afrika, bil-kolonizzazzjoni tas-[[Saħara tal-Punent]], il-[[Marokk Spanjol]] u l-[[Gwinea Ekwatorjali]]. It-telfiet kbar li ġarrbet matul il-gwerra tar-Rif fil-Marokk ikkontribwew biex jimminaw il-monarkija. Kien hemm perjodu ta' reġim awtoritarju tal-Ġeneral [[Miguel Primo de Rivera]] (1923-1931) li ntemm bit-twaqqif tat-Tieni Repubblika Spanjola. Ir-repubblika tat l-awtonomija politika lill-pajjiżi Baski, lill-Katalonja, lill-Galizja u tat il-vot lin-nisa.
[[Stampa:Franco eisenhower 1959 madrid.jpg|thumb|left|Francisco Franco u l-President Amerikan [[Eisenhower]], Madrid, 1959.|224x224px]]

F'Lulju 1936 bdiet il-[[Gwerra Ċivili Spanjola]]. Kienu l-forzi nazzjonalisti li kienu kontra r-Repubblika, immexxijin mill-Ġeneral Francisco Franco li bdew il-gwerra u dawn rebħuha bl-għajnuna tal-[[Ġermanja Nażista]] u l-[[Italja Faxxista]].

Il-gwerra ċivili damet tliet snin u kienet il-kawża tal-mewt ta' 500,000 ruħ<ref>[http://www.telegraph.co.uk/news/worldnews/europe/spain/3212605/Spanish-Civil-War-crimes-investigation-launched.html Spanish Civil War crimes investigation launched]</ref> u l-emigrazzjoni ta' madwar 500,000 ċittadin, li l-parti l-kbira tad-dixxendenti tagħhom illum joqogħdu fil-pajjiżi tal-[[Amerika Latina]] u minnhom hemm madwar 300,000 fl-[[Argentina]] biss.<ref>[http://www.telegraph.co.uk/news/worldnews/europe/spain/3998443/Relatives-of-Spaniards-who-fled-Franco-granted-citizenship.html Relatives of Spaniards who fled Franco granted citizenship]</ref>. Il-gwerra ċivili Spanjola hi meqjusa bħala l-ewwel battalja tat-Tieni Gwerra Dinjija.