Mitologie

A versão imprimível já não suportada e pode apresentar defeitos de composição gráfica. Atualize os favoritos do seu navegador e use a função de impressão padrão do navegador.

Mitologie (de l griego μυθολογία) ye l studo de l mitos (lendas i/ó stórias) dua cultura an particular creditadas cumo berdadeiras i que custituen un sistema relegioso ó de fés specíficos.

Ls mitos son, giralmente, stórias baseadas an tradiçones i lhendas feitas para splicar l ouniberso, la criaçon de l mundo, fenómenos naturales i qualquier outra cousa la que splicaçones simples nun son atribuibles. Mas nin todos ls mitos ténen esse perpósito splicatibo. An quemun, la maiorie de ls mitos ambuolben ua fuorça subrenatural ó ua debindade, mas alguns son solo lhendas passadas ouralmente de geraçon an geraçon.

Figuras mitológicas son proeminentes na maiorie de las religiones i a maior parte de las mitologies stan atadas la pul menos ua religion. Alguns usan la palabra mito i mitologie para zacreditar las stórias dua ó mais religiones.

L termo ye frequentemente associado a las çcriçones de religiones fundadas por sociadade antigas cumo mitologie romana, mitologie griega, mitologie eigípcia i mitologie nórdica, que fúrun quaije zaparecidas. Inda assi, ye amportante tener an minte que anquanto alguns bénen ls panteones nórdicos i célticos cumo meras fábulas outros ls ténen cumo religion (ber Neopaganismo).

Pessonas de muitas religiones toman cumo oufensa la caraterizaçon de sue fé cumo un cunjunto de mitos, pus esso ye afirmar que la religion an si ye ua mintira . Mesmo assi, muitas pessonas cuncordan que cada religion ten un grupo de mitos ls quales zambolbírun-se somados a las scrituras.

Religion i mitologie

Alguns usan ls tenermos mito i mitologie para eilustrar stórias dua ó mais religiones cumo algo falso ó dubidoso. Anquanto quaije todos ls decionários ancluen essa defeniçon, mito nin siempre quier dezir que ua stória ye falsa, tampouco berdadeira. L termo ye custantemente outelizado nesse sentido de çcrebir religiones criadas pulas sociadades antigas, cujos ritos stan quaije zaparecidos. Muitas pessonas nun cunsídrun las stórias subre la ourige i acuntecidos, cumo cuntendores de mitos; eilhes bénen sous testos sagrados cumo tenendo berdades relegiosas, anspiradas debinamente, mas nun repassadas an lhenguaiges houmanas. Outros apartórun sues fés de stórias similares de outras culturas i se refíren la estas cumo stória. Essas pessonas se oupónen al uso de la palabra “mito” para çcrebir sues fés.

Para l perpósito desse artigo la palabra mitologie ye ousada para se referir la stórias, que, anquanto eilhas puoden ó nun séren fatuales, rebelan berdades fundamentales i pensamientos subre la natureza houmana, atrabeç de l frequente uso de arquétipos. Tamien ye neçairo frisar que las stórias çcutidas spressan puntos de bista i fés dun paíç, un período ne l tiempo, cultura i/ó religion la qual les dou a la luç. Ua pessona puode falar de mitologie Judaica, mitologie Crestiana ó mesmo mitologie Islámica, adonde cada ua çcribe ls eilemientos míticos nessas religiones sin se referir a la beracidade subre la sue stória.

Mitologie moderna

Muitos fatos i personaiges de jogos son anspirados an mitologies. Jogos de RPG cumo Final Fantasy recíben muitas criaturas probenientes de mitologies.

Séries de telbison i de lhibros cumo Star Trek i Harry Potter, por eisemplo, ténen aspetos mitológicos marcantes que alguas bezes zambuolben-se an sistemas filosóficos perfundos i antrincados. Essas séries nun son mitologie, mas cunténen temas míticos que, para alguns, aténden a las mesmas necidades psicológicas. Un ótimo eisemplo son las obras L Silmarillion i L Senhor de ls Anielhos de J.R.R. Tolkien, bien cumo la série de filmes Star Wars (Guerra nas Streilhas) de George Lucas. Outra série ye Supernatural, que ressalta muitos puntos de la cultura spalhadas pul mundo, yá que se outelízan de muitos recursos, cumo las de alguas culturas que yá se stinguírun.

Las lheis de dreitos outorales, inda assi, lhemitan ls outores andependientes de stender nun ciclo de las stórias modernas. Alguns críticos acraditan que l fato de ls percipales personaiges de ls ciclos de las stórias modernas nun stáren ne l domínio público prebine esses ciclos de amprestáren bários aspetos eissenciales de las mitologies. L "Fan fiction" atenua esse porblema.

Fiçon, mas, nun atinge l nible de mitologie anquanto las pessonas nó acraditan que aqueilho rialmente acunteciu. Por eisemplo, alguns acraditan que las stórias de Clibe Barker, cumo "Candyman", fúrun baseadas an fatos reales. L mesmo puode ser dezido de la Bruxa de Blair i muitas outras stórias.

A mitologie subrebibe ne l mundo moderno atrabeç de lendas ourbanas, mitologie científica i muitas outras maneiras.

L anime i la série de mangás, Cabalheiros de l Zodíaco (Saint Seiya ne l oureginal), por eisemplo, ye cunsidrada la que mais se baseia nas stórias de las mitologies antigas, cumo la Mitologie Griega, Nórdica, Eigípcia, i dibersas outras. La stória nun ye ua mitologie; eilha conta la stória de las mitologies tradecionales, adonde guerreiros reperséntan custelaçones i ténen cumo oubjetibo anfrentar ls diuses que se oupusíren a Atena (diusa griega de la sabedorie). Bários personaiges i monstros mitológicos cumo l Uorfeu i l Cérbero stan persentes ne l nuosso die a die.