Klaus Schmetjen
Klaus Schmetjen (* 19. Mai 1919 in Kutenhult; † 17. Dezember 1994 in Bremervöör) weer en düütschen Politiker von de CDU.
Schmetjen is 1919 in Kutenhult boren. Na de School hett he en Lehr in de Bueree maakt. An’n 1. September 1938 is he in de NSDAP rin (Matennummer 6947340).[1] 1938 is he to’n Arbeidsdeenst intagen worrn. Na de Tied bi’n Arbeidsdeenst weer he in de Wehrmacht un Soldaat in’n Tweten Weltkrieg. Von 1947 bet 1960 hett he Ehrenämter in de Riederee un bi de Landjugend övernahmen.
Von 1956 bet 1991 weer Schmetjen Börgermeester von Kutenhult. In de sülve Tied weer he ok Afornten in’n Kreisdag von’n Landkreis Stood. Dor weer he en Reeg Johren lang Viez-Vörsitter von de CDU-Frakschoon un tweten Viez-Landraad. Von 1972 bet 1991 weer he in’n Samtgemeenraad von de Samtgemeen Freenbeek. In de eerste Wahlperiood weer he dor ok Viez-Samtgemeenbörgermeester.[2]
Von’n 20. Mai 1963 bet 20. Juni 1978 (föffte bet achte Wahlperiood) weer he för den Wahlkreis Bremervöör Maat von’n Landdag von Neddersassen.
Schmetjen weer Maat in’n Opsichtsraad von dat Överlandwark Noord-Hannover, den Opsichtsraad von de Stoder Saattucht un den Verband Rinnerprodukschoon Neddersassen. Siet 1950 weer Schmetjen Maat in’n Vörstand von dat Kreislandvolk.
Schmetjen hett dat Bundsverdeenstkrüüz kregen un dat Verdeenstkrüüz 1. Klass von’n Neddersassischen Verdeenstorden.[2]
He hett 1947 sien Fro Anna freet. De beiden harrn dree Kinner.
Footnoten
ännern- ↑ Hans-Peter Klausch: Braune Wurzeln - Alte Nazis in den niedersächsischen Landtagsfraktionen von CDU, FDP und DP. (PDF; 1,7 MB), 2008. Sied 20
- ↑ a b Hans-Lothar Kordländer: Politiker zum Anfassen – Sein Rat hatte Gewicht. Ex-Landes- und Kommunalpolitiker Klaus Schmetjen ist tot. In: Stader Tageblatt, 20. Dezember 1994