Ännern vun Frederik II. (Preußen) (Afsatz)

==== Butenpolitik ====
As [[Polen]] in dat Johr [[1772]] to' eersten Mol deelt wurrn is ([[Polen warrt deelt]]), hefft Russland, Preußen un Öösterriek Deele vun Polen an sik reten. Preußen hett dor dat so nömmte Poolsch-Preußen oder [[Westpreußen]] bi afkregen. Vun dor af an hett de [[Monarkie|Monark]] sik nich mehr „König ''in'' Preußen“ nömmt, as siene beiden Vorwesers, man he nömm sik nu „König ''vun'' Preußen“. In den [[Krieg um dat Bayrische Arv]] (1778/1779), ok as „Kantüffelkrieg“ bekannt, hett Frederik den Versöök vun Kaiser [[Joseph II. (HRR)|Joseph II.]] tonicht maakt, de [[Öösterrieksche Nedderlannen|Öösterriekschen Nedderlannen]] (dat hüdige [[Belgien]]) gegen grote Deele vun [[Bayern]] in to tuuschen. Harr Preußen nich ingrepen, weer Bayern dormols wohrschienlich en Deel vun Öösterriek wurrn. Man Öösterriek versöch dat ok fudderhen noch, Bayern gegen Belgien to tuuschen un so grünn Frederik in dat Johr [[1785]] den [[Förstenbund]], wo de [[Protestantismus|Protestanten]] de Mehrheit in harrt hefft. 
In datsülvige Johr [[1785]] hett Frederik ok en Frundschops- un Hannelsverdrag mit de [[USA|Vereenigten Staten]] afslaten. Grundlaag weer dor for, datt Preußen de 13 Staten vun de USA, de just eerst unafhängig wurrn weern, as en egen [[Staat]] ankeken hett. For dormolige Verdräge weer dat ganz nee, wat unner annern in düssen Verdrag to lesen weer: De beiden böversten Chefs vun de [[Exekutive]] in ehre Länner verlangt, un maakt dat mit ehre Unnerschrift af, dat Kriegsgefangene for sik insitten un unbedingt anstännig behannelt weern schollen.<ref>De Verdrag up Engelsch:[http://usa.usembassy.de/etexts/ga1-860606.htm]. For de USA hefft [[Thomas Jefferson]] in Paris, [[Benjamin Franklin]] in [[Passy (Paris)|Passy]] un [[John Adams]] in London unnerschreven, for den König vun Preußen sien Ambassadöör [[Friedrich Wilhelm von Thulemeyer]] in [[Den Haag]]</ref>

===== Döntjes =====
Theodor Fontane vertellt, Frederik hett mit siene Unnerdanen männigmal plattdüütsch snackt.<ref>http://gutenberg.spiegel.de/buch/wanderungen-durch-die-mark-brandenburg-erster-teil-die-grafschaft-ruppin-5728/23</ref>