Ännern vun Hämatit (Afsatz)

=== As Pigment ===
Hämatit is butendem en wichtig un dorto noch ungiftig [[Pigment]], dat al in de [[Ooltsteentiet]] för Malereen in Höhlen oder ok an’n Lief bruukt worrn is. Vundaag warrt dat to’n Bispeel vun de [[Himba]] in [[Namibia]] för de Liefpleeg verwennt.

För’n Bruuk in de künstlerische Maleree warrt Hämatit faken presst. De pressten Stangen künnt as se sünd bruukt warrn oder warrt as Stitminen verwennt. Rötelstiften sünd bannig week un warrt vun Künstlers för Teknungen un för [[Skizze]]n bruukt. Wichtige Künstlerfarven sünd to’n Bispeel de Rode [[Bolus (Pigment)|Bolus]] – en Sort, de düchtig Toon bargt un sünners as Grundeermaterial to’n [[Vergolden]] insett warrt –, [[Ocker]], [[Pompejanischroot]], [[Engelschroot]], [[Venetianischroot]], [[Terra di Pozzuoli]] un dat [[Caput mortuum]], de in’t Vigelett geiht.

Dat Pigment egent sik bito ok to’n Anmalen vun [[Keramik]]deelen un to’n Infraven vun de Knüttfadens bi [[Teppich]]. In de [[Fotografie]] warrt Rötel för de [[Retusche]] vun [[Negativfilm|Negativen]] mit groot Format un ok vun [[Positiv-Verfohren|Positiven]] bruukt, vun wegen dat dat utdröögt ahn Licht dörtolaten un ok wedder afwascht warrn kann.