Ännern vun Kampala (Afsatz)

=== Religion ===

Siet de 1870er Johren is Kampala Zentrum vun de christliche [[Mission]] in Uganda. Twischen de Städer Kampala un [[Jinja]] gifft dat elk Johr ene Marienpilgerfohrt mit bet to 300 Pilgers. De [[Namugongo-Märtyrerschrien]] twölf Kilometer noordoosten dat Zentrum al in den Distrikt [[Wakiso (Distrikt)|Wakiso]] bewohrt de Överresten vun mehr as 20 Christen, de 1886 op Befehl vun Kabaka Mwanga lebennig verbrannt worrn sünd.

An Gottshüser gifft dat to’n Bispeel de [[Röömsch-Kathoolsche Kark|röömsch-kathoolsche]] [[Rubaga-Kathedraal]] un de [[Anglikaansche Kark|anglikaansche]] [[Namirembe-Kathedraal]], de beid in’n Westen vun de Stadt liggt un Seet vun en Bischop sünd (kathoolsch [[Arzbisdom Kampala|Arzbischop vun Kampala]] un anglikaansch [[Kark vun Uganda|Bischop vun Uganda]]), de [[Islam|mohammedaansche]] [[Kibuli-Moschee]] op’n Kibuli-Bült, [[Sikhismus|Sikh]]- un [[Hinduismus|Hindu]]-Tempels un de eenzige [[Baha’i-Tempel]] in Afrika an de ''Gayaza Road'' op’n Kikaya-Bült. De is 1961 boot worrn.