Ännern vun Pioneer 11 (Afsatz)

== Verloop ==

[[Bild:Traj_pjm.png|thumb|Diagramm, wat wiest, woans de beiden Pioneer-Sonden dör dat wiede Sünnsystem flogen sünd.]]
Losschoten weer de Sond an’n [[6. April]] [[1973]] mit en Rakete vun’n Typ [[Atlas (Rakete)|Atlas Centaur]]. Se hett denn över een Johr bruukt, bet se an den Jupiter vörbineiht is. An nöögsten kööm se den Planet an’n [[3. Dezember]] [[1974]] mit en Afstand von 43.000 km. Dorbi hett se bannig veel Weten sammelt un mehr as 500 Fotos maakt.

[[Bild:Pioneer 11 f16.gif|thumb|Saturn mit sien Ring un den Maand [[Titan (Maand)|Titan]]]]
Darna is Pioneer 11 wieterflogen na den Saturn, an den se an’n [[1. September]] [[1979]] mit blots 21.000 km vörbiflogen is. Dor hett se noch mal goot 400 Biller maakt. Dorbi sünd eerstmals de Saturnringe genauer oplöst worrn, as Pioneer 11 de eerste Sonde wörr, de överhaupt bi Saturn wesen is. Un en niegen Maand is ok noch opdeckt worrn.

Na [[Pioneer 10]], [[Voyager 1]] un [[Voyager 2]] weer Pioneer 11 de veerte Ruumsond von de [[Eer]], de an [[23. Februar]] [[1990]] de Neptunbahn överwunnen hett un wieter in den interstellaren Rum vördrungen is.  De Mission is den [[30. September]] [[1995]] instellt worrn, as de Sond nich mehr noog Drievstoff har. Dat letzte Funksignaal hett de [[NASA]] an’n [[24. November]] [[1995]] opfunngen.