Mathurin-Jacques Brisson

Mathurin-Jacques Brisson

Mathurin-Jacques Brisson (* 30. April 1723 in Fontenay-le-Comte; † 23. Juni 1806 in Croissy-sur-Seine bi Paris) weer en franzööschen Zoologen un Naturphilosophen.

Leven un Wark

Brisson hett sik al fröh mit Naturgeschichte befaat un en Reeg Böker rutbrocht, as Regnum animale (1756–1762) un Ornithologia (1760). He weer Assistent vun René-Antoine Ferchault de Réaumur. Na Réaumur sien Dood hett he de Naturgeschichte upgeven un is 1757 Perfesser for Experimentelle Physik an dat Collège Royal de Navarre wurrn. Sien wichtigst Wark up düt Feld weer Pesanteur spécifique des corps vun 1787. Ok annere Warke over Physik hett he dormols rutgahn laten, de to siene Tied en grote Rull spelen döen. As Maître de Physique & d'Histoire Naturelle des Enfans de France höör Brisson to de Académie royale de sciences mit to. To'n Anfang vun dat Johr 1806 hett em de Slag drapen un vun dor af an konn he meist gor nich mehr snacken.

Ornithologie

Al 1760 hett he de sess Bänne vun sien Wark Ornithologia schreven. Siene Vagelkunne steiht, an de Sieten vun Georges-Louis Leclerc de Buffon siene negen Bänne Histoire naturelle des oiseaux (1770–1785) over de Vagels, an'n Anfang vun en wetenschoppliche Ornithologie. Unner annern warrt dor Réaumur siene grote Sammlung in tohopenstellt. Wo Brisson dat sunnerlich up afsehn harr, weer en Klassifikatschoon vun de Vagels. Dor hett he en natüürlich System for bruukt. Vun Carl vun Linné sien binäret System hett he nix vun holen. Up 261 Koppertafeln sünd bi 500 Biller vun Vagels in ehr natüürlich Umto to sehn. Düsse Biller hett François-Nicolas Martinet (ca. 1760–1800) maakt.

• 
  Frontispice vun de Ornithologie (1760)
• 
  Tafel ut de Ornithologie, dorstellt is en Falken (Koppersteek vun François-Nicolas Martinet)

Warke

• Regnum animale in classes IX distributum sive Synopsis methodica. Haak, Paris, Leiden 1756–1762.
• Ornithologia sive Synopsis methodica sistens avium divisionem in ordines, sectiones, genera, species, ipsarumque varietates. Bauche, Paris, Leiden 1760–1763.
• Supplementum Ornithologiæ sive Citationes, descriptionesque antea omissæ & species de novo adjectæ, ad suaquaque genera redactæ. Paris 1760.
• Lettres de deux Espagnols sur les manufactures. Vergera 1769.
• Dictionnaire raisonné de physique. Thou, Paris 1781–1800.
• Observations sur les nouvelles découvertes aërostatiques. Lamy, Paris 1784.
• Pesanteur spécifique des corps. Ouvrage utile à Histoire Naturelle, à la Physique, aux Arts & au Commerce. l'imprimerie royale, Paris 1787.
• Traité élémentaire ou Principes de physique. Moutard & Bossange, Paris 1789–1803.
• Trattato elementare ovvero Principi di fisica. Grazioli, Florenz 1791.
• Die spezifischen Gewichte der Körper. Leipzig 1795.
• Suplemento al Diccionario universal de física. Cano, Madrid 1796–1802.
• Principes élémentaires de l'histoire naturelle et chymique des substances minérales. Paris 1797.
• Anfangsgründe der Naturgeschichte und Chemie der Mineralien. Mainz 1799.
• Instruction sur les nouveaux poids et mesures. Paris 1799.
• Elémens ou Principes physico-chymiques. Bossange, Paris 1800.
• Elements of the natural history and chymical analysis of mineral substances. Ritchie, Walker, Vernor & Hood, London 1800.
• Tratado elemental ó principios de física. Madrid 1803–1804.

Literatur

• P. L. Farber: Discovering birds. Baltimore, London 1997. ISBN 0-801-85537-3

Weblenken

• J. A. Allen: Collation of Brisson's Genera of Birds with those of Linnaeus