Samen (Volk)
De Samen (Sami, ook Lappen) sünd Lüüd in Noorn van Fennoskandinavien. Dor höört alltohopen um un bi 70.000 Minschen to. De Streektålen van de Samen hebbt nix to doon met de noordgermannschen Språken Norweegsch un Sweedsch, man de warrd to de finno-ugrische Språåkgrupp tellt. De Samen leevt al langen in'n hogen Noorn, tominnst länger as de germaanschen Lüüd. In ole Tiden is dat Rebett van de Samen ook meer in Söden (de Midd van Sweden) ween. Bi de Levenswies van de Samen dreiht sik veel üm Rendeerten. Fröher hebbt de annern Lüüd de Samen minnachtig ankeken. So schüllen de Samen in Norwegen blots Noorwegsch snakken, un neet in jümeer egen Taal. De Samen un jümeer Deerten harrn sünners ünner dat grode Mallör van Tschernobyl to lieden. De Samen hebbt een egen Wies van dat Singen, de warrd dat "Joiken" nöömt.
