Falsk pussarfisk

Falsk pussarfisk (Aspidontus taeniatus) er ein slimfiskart som lever i tropisk vatn i Indiahavet. Namnet sitt har han fått fordi han liknar på ein pussarfisk som han òg imiterar dansen til. På denne måten får han koma tett inntil store fisk som han bit kjøt- og finnebitar av før han pilar av garde for å gøyma seg. Dette er eit døme på mimikry. Fisk som har vorte lurt ein gong, vil derimot gå til åtak på falske pussarar ved seinare høve.

Falsk pussarfisk
Falsk pussarfisk
Status
Status i verda: Livskraftig
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Orden:	Blenniiformes
Familie:	Tangkvabbefamilien Blenniidae
Slekt:	Aspidontus
Art:	Falsk pussarfisk A. taeniatus
Vitskapleg namn
Aspidontus taeniatus Quoy & Gaimard, 1834

Dei falske pussarane lever i hol og tomme røyr etter børstemakk.

Kjenneteikn

Falsk pussarfisk liknar svært på pussarfisken Labroides dimidiatus, med lys over- og underside og ei svart, langsgåande stripe på begge sider. Den lettaste måten å sjå skilnad på artane er å sjå på munnen; pussarfisken sin sit ytst på dyret medan den falske pussarfisken har han plassert under snuta. Maksimal kroppslengd er 11 cm.

Kjelder

• Meulengracht-Madsen, Jens: Akvariefisk i farger, Cappelen 1976
• FishBase