Keeping the Faith
| Keeping the Faith Singel av Billy Joel frå albumet An Innocent Man | ||
| Utgjeve | 1984 | |
| Innspelt | 1983 | |
| Sjanger | Poprock | |
| Lengd | 4:41 | |
| Selskap | Columbia | |
| Låtskrivar(ar) | Billy Joel | |
|---|---|---|
| Produsent | Phil Ramone | |
| Billy Joel-kronologi | ||
| «This Night» (1984) |
Keeping the Faith | «You're Only Human (Second Wind)» (1985)
|
«Keeping the Faith» er ein song av songar-låtskrivaren Billy Joel på albumet An Innocent Man frå 1983. Han nådde 18. plassen på den amerikanske Billboard Hot 100-lista og tredjeplassen på den amerikanske Billboard Adult Contemporary-lista. Songen var den einaste singelen frå albumet som ikkje nådde UK Singles Chart, trass i suksessen til An Innocent Man i Storbritannia.
«Keeping the Faith» er det siste sporet på albumet og teksten oppsummerer årsaka til Joel skapte albumet, som er spelt inn i musikkstilen frå 1950- og 1960-åra, før Den britiske invasjonen nådde USA.
Songen vart remixa og gjeve ut som ein 7" singel. Ein lengre miks vart gjeven ut i USA på ein 12" singel (Columbia AS 1982). Begge miksane er omtalt som «Special Mix» med tida 4:44 trykt på etiketten. Den faktiske lengda er 4:52 for 7"-versjonen og 5:27 for 12"-versjonen. Ein tredje miks vart gjeven ut i plateboksen My Lives. På boksen er miksen feilaktig omtalt som 12"-miksen.
I musikkvideoen for songen ser ein Joel i ein rettssak som skal finne ut om han er uskuldig og «keeping the faith» (medan songen «An Innocent Man» spelar i bakgrunnen.) Publikum i rettssalen er folk frå 1950-åra på eine sida og 1960-åra på den andre sida (inkludert ein som liknar på Jimi Hendrix). Joel syng og dansar gjennom heile videoen. Richard Pryor har ei lita rolle i starten av videoen. Den seinare kona til Joel, Christie Brinkley, er òg med mot slutten av videoen.
Bakgrunn
endreSongen er sett til 1980-åra og songaren minnast livsstilen i 1950-åra. Joel listar opp mange ting frå den tida, som Lucky Strike-sigarettar, chino-bukser, Sen-Sen-mynte, Trojan-kondomar og Old Spice etterbarberingsvatn, og mange motestilar som var vanleg på den tida. Songen handlar òg om musikken som var vanleg i 1950-åra («I'm going to listen to my 45s»). Samstundes set Joel spørsmålsteikn ved å vere for sentimental når det gjeld fortida og syng «The good old days weren't always good./ And tomorrow ain't as bad as it seems».
Lister
endre| Liste | Plassering |
|---|---|
| Canada[1] | 81 |
| New Zealand | 38 |
| U.S. Billboard Hot 100 | 18 |
| U.S. Billboard Hot Adult Contemporary Tracks | 3 |
Kjelder
endre- Denne artikkelen bygger på «Keeping the Faith (song)» frå Wikipedia på engelsk, den 30. august 2014.
- Wikipedia på engelsk oppgav desse kjeldene: