Kristian Ottosen

Kristian Ottosen (15. januar 1921–1. juni 2006) var ein norsk sakprosaforfattar, motstandsmann og byråkrat.

Kristian Ottosen
Statsborgarskap	Noreg
Fødd	15. januar 1921 Solund kommune
Død	1. juni 2006 (85 år)
Yrke	skribent
Politisk parti	Arbeidarpartiet

Han vart fødd i Solund i Sogn og Fjordane, men flytta som ung til Bergen. Han tok examen artium (1940). Han kom etter kvart med i Theta-gruppen, som var ei motstandsgruppe i Noreg under den andre verdskrigen. I 1942 vart han arrestert. Han sat i ymse konsentrasjonsleirar. Han sat som Nacht und Nebel-fange i konsentrasjonsleirane Sachsenhausen, Natzweiler-Struthof, Dachau, Ottobrunn, Vaihingen og Neuengamme.

Etter krigen studerte han i Bergen, og vart leiar for Studentsamskipnaden i Bergen. Frå 1950 til 1979 var han leiar for Studentsamskipnaden i Oslo som i 1991 etablerte Kristian Ottosen-prisen. Han var sentral i «Ottosen-komiteen» som stod bak utgreiinga om for etablering av distriktshøgskulane (1969). Ottosen var òg pådrivar for etableringa av Statens lånekasse for utdanning. Han sat som styreleiar i NRK 1972-1979 og Nationaltheatret 1981-1989.

Boka Natt og tåke : historien om Natzweiler-fangene frå 1989 vart kåra til femte beste sakprosa-utgjeving etter andre verdskrigen i Noreg i emnet krigshistorie i radio-programmet Faktasjekken på NRK P2 15.juli 2017. Røystinga var eit samarbeid mellom Norsk faglitterær forfatter- og oversetterforening og NRK.

Utmerkingar

• I 1994 vart han utnemnd til kommandør av St. Olavs Orden.
• Arthur Holmeslands pris for sakprosa i 1996
• Som pensjonist skreiv han ei rad grundige dokumentasjonar om norske krigsfangar og fangeleirane. For dette mottok han prisen «Fritt Ords honnør» (2004).
• Studentsamskipnadens servicebygg ved Universitetet i Oslo, Kristian Ottosens hus, er oppkalla etter han.

Bibliografi

Bøker

• 1966 – Innstilling om videreutdanning for artianere m. v. (Oslo: Kirke-og undervisningsdepartementet) I fulltekst ved nb.no
• 1980 – Trygve Bratteli i tysk fangenskap 1942-1945 (Oslo: Tiden forlag) I fulltekst ved nb.no  [Side 33-55 i boka Fred og trygghet, brød og frihet : festskrift til Trygve Bratteli på 70-års dagen, redigert av Herbjørn Sørebø]
• 1981 – Forskningsbehov og formidlingsorganisasjon : innstilling (Oslo) I fulltekst ved nb.no
• 1981 – Utdanning for oljevirksomhet : rapport fra et utvalg oppnevnt av Kirke- og undervisningsdepartementet 25. april 1980 (Oslo: Universitetsforlaget). ISBN 8200706125 I fulltekst ved nb.no
• 1982 – Investering i kunnskap : studentøkonomi og utdanningspolitikk : innstilling fra et utvalg nedsatt av Studentsamskipnaden i Oslo (Oslo: Studentsamskipnaden i Oslo)
• 1983 – Theta Theta : et blad fra motstandskampens historie, 1940-1945 (Bergen: Universitetsforlaget). ISBN 8203166865 I fulltekst ved nb.no
• 1986 – Utredning om faglitteraturens stilling i Norge (Oslo: Norsk kulturråd)
• 1989 – Natt og tåke : historien om Natzweiler-fangene (Oslo: Aschehoug). ISBN 82-03-16108-1 I fulltekst ved nb.no
• 1990 – Liv og død : historien om Sachsenhausen-fangene (Oslo: Aschehoug). ISBN 82-03-26077-2 I fulltekst ved nb.no
• 1991 – Kvinneleiren : historien om Ravensbrück-fangene (Oslo: Aschehoug). ISBN 82-03-26078-0 I fulltekst ved nb.no
• 1991 – Festskrift for Ivar Mathisen på 70-års dagen 23.9.1991 (Oslo: OBOS) I fulltekst ved nb.no
• 1993 – Bak lås og slå : historien om norske kvinner og menn i Hitlers fengsler og tukthus (Oslo: Aschehoug). ISBN 82-03-26079-9 I fulltekst ved nb.no
• 1994 – I slik en natt : historien om deportasjonen av jøder fra Norge (Oslo: Aschehoug). ISBN 82-03-26080-2 I fulltekst ved nb.no
• 1995 – Studentdugnaden på Voss-Vik veien (Vik)  [Artikkel side 7-12 i tidsskriftet ''Pridlao'', årgang 12, nummer tre]
• 1995 – Nordmenn i fangenskap 1940-1945 : alfabetisk register (Oslo: Universitetsforlaget). ISBN 8200223728 I fulltekst ved nb.no
• 1997 – Nasjonalhjelpens fond for krigens ofre (Oslo: Aschehoug) I fulltekst ved nb.no
• 1998 – Redningen : veien ut av fangenskapet våren 1945 (Oslo: Aschehoug). ISBN 82-03-22304-4 I fulltekst ved nb.no
• 2000 – Den annen verdenskrig (Oslo: Aschehoug). ISBN 82-03-22452-0 I fulltekst ved nb.no
• 2005 – Motstand, fangenskap og frihet : erindringer 1940-45 (Oslo: Aschehoug). ISBN 9788203232305
• 2005 – Studentvelferd i vekst : førti år i studentenes tjeneste (Oslo: Studentsamskipnaden i Oslo)

Tekstar om Kristian Ottosen

• 1991 – Festskrift til Kristian Ottosen på 70-årsdagen 15. januar 1991 (Oslo: Universitetsforlaget) I fulltekst ved nb.no  [Redigert av Kjølv Egeland]
• 2005 – Godtfolk : portretter av 28 vestlendinger (Bergen: Forlaget Livskunst)  [Tormod Valaker, forfattar]
• 2005 – De skapte Norge (Oslo: Norsk Fakta Forlag)  [Rune Andersen med fleire, forfattarar]

Bakgrunnsstoff

• Radioprogrammet Faktasjekken 15.juli 2017 i NRK P2 : kåring av beste sakprosa-bok i emnet krigshistorie utgitt etter andre verdskrigen.
• Om Kristian Ottosen i Lokalhistoriske artiklar Sogn og Fjordane
• Hvite busser
• «Kristian Ottosen». Norsk biografisk leksikon.