Síkinos
Síkinos (gresk Σίκινος) er ei øy i Hellas som høyrer til Kykladane i Egearhavet. I antikken vart ho kalla Oinoe (Vinøya). I motsetnad til naboøya Íos er ho roleg og relativt lite utvikla. Síkinos ligg midt mellom Íos og Folégandros, og like sørvest for øya ligg den litle øya Kardiótissa.
| Síkinos Lokalt namn Σίκινος | |
|---|---|
.jpg)
| |
| Geografi | |
| |
| Stad | Egearhavet |
| Koordinatar | 36°41′N 25°07′E / 36.683°N 25.117°E |
| Øygruppe | Kykladane
|
| Areal | 42,507 km²
|
| Administrasjon | |
| Land | Hellas |
| Periferi Periferieining |
Dei sørlege egeiske øyane Thíra |
| Største busetnad | Síkinos (180 innb.)
|
| Demografi | |
| Folketal | 253 (2021[1]) |
| Folketettleik | 6,0 /km² |
Síkinos er eigen kommune, og frå 2011 høyrer øya administrativt til under periferieininga Thíra i periferien Dei sørlege egeiske øyane.[2]
Ved folketeljinga i 2021 hadde kommunen Síkinos 253 innbyggjarar, medan tettstaden med same namn hadde 180 innbyggjarar.[1]
Øya har to landsbyar, hamna Aloprónia og Síkinos by (ofte kalla Kástro eller Khóra) lenger oppe i åsane. Det er eit par gjestgiveri ved hamna. Stranda ved hamna er ein av to store strender på øya. Det ligg fleire ruinar frå antikken på Síkinos, men nokre av dei er nokså avsidesliggande. Terrenget er kupert og gjer det vanskeleg å ferdast på øya. Nesten heile øya er dekt av terrassar som tidlegare vart nytta til omfattande jordbruk. I dag vert berre nokre få av desse nytta.
Byar og tettstader
endreByane og tettstadene i kommunen er:
| Tettstad | Folketal 2011[3] | Folketal 2021[1] |
|---|---|---|
| Síkinos (Khóra) | 184 | 180 |
| Aloprónia | 89 | 73 |
Småøyar i kommunen:
- Avoladonísio (0)
- Kalójeros (0)
- Karavós (0)
- Kardiótissa (0)
Referansar
endre- ↑ 1,0 1,1 1,2 Folketeljing 2021
- ↑ Νόμος 3852/2010 - ΦΕΚ 87Α/7-6-2010
Lov 3852/2010: Kallikratis-reforma, arkivert frå originalen 30. juli 2023, henta 7. september 2023 - ↑ Folketeljing 2011, revidert
Kjelde
endre- Denne artikkelen er basert på ei omsetjing av artikkelen Sikinos frå Engelsk Wikipedia .