Storfjorden på Sunnmøre

For andre fjordar med same namn, sjå Storfjorden.

Storfjorden på Sunnmøre er den femte lengste fjorden i Noreg med ei lengd på 110 kilometer. Fjorden går frå Hareidlandet i vest til Geiranger lengst inn i landet. Den største djupna i fjorden er 679 m, vest for Skotet på sørsida og Dyrkorn på nordsida, begge stadene ligg i Stordal kommune. Desse kommunane har kyst mot fjorden: Hareid, Sula, Ålesund, Skodje, Ørskog, Stordal, Norddal, Stranda, Sykkylven og Ørsta.

Storfjorden på tysk kart ca 1930

Samferdsel

MF «Geiranger» (1937) gjekk i rute Valldal-Geiranger.

Det går fleire bilferjesamband over fjorden. Hareid-Sulasund, Sykkylven-Magerholm og Festøy-Solavågen er tre av landets mest trafikkerte målt etter ÅDT (gjennomsnittleg tal køyretøy dagleg).

Veg	Samband	Lengd	ÅDT 2013	Merknad
60	Sykkylven – Magerholm	3,7 km	2264	Tidlagare kalla Aursnes/Ørsnes-Magerholm
61	Hareid – Sulasundet	7,7 km	2153	Sulafjorden, Norges fjerde mest trafikkerte.
	Festøya – Solavågen	4,4 km	1651
71	Festøya–Hundeidvik	4,8 km		Hjørundfjorden
655	Sæbø - Lekneset	3,2 km		Hjørundfjorden
66	Lekneset–Standal–Trandal–Sæbø	varierande		Hjørundfjorden
60	Stranda – Liabygda	2,8 km
63	Eidsdal – Linge	2,7 km		Norddalsfjorden
63/60	Geiranger – Hellesylt	19,9 km		turistrute Geirangerfjorden
	Valldal – Geiranger			turistrute, lagt ned 2015

Tidlegare gjekk det og ferje på langs av Storfjorden. Etter opning av tunnelane mellom Linge og Overå (1975) på Fylkesveg 650 var det ferjefritt mellom Ålesund og Valldal. Då Tafjordvegen var ferdig, var det samanhengande køyreveg langs heile nordsida av Storfjord. Geiranger hadde i 1956 fått vegsamband til Eidsdal over Ørnevegen, og før den tid gjekk det bilferje frå Valldal til Geiranger (etter at Trollstigen opna). Hellesylt fekk samanhengande køyreveg via Ljøen til Stranda i 1962.

Side- og delfjordar

Den smale Tafjorden (nærast) og breie Norddalsfjorden sett mot vest.

Frå kysten mot innlandet

• Sulafjorden (9 km)
• Vartdalsfjorden (20 km)
  • Ørstafjorden (10 km)
• Hjørundfjorden (33 km)
  • Norangsfjorden (6,5 km)
  • Storfjorden i Ørsta (11 km)
• Sykkylvsfjorden (9 km)
• Norddalsfjorden (16 km, 24 km til botn av Tafjorden)
  • Tafjorden (8 km)
• Sunnylvsfjorden (26 km)
  • Geirangerfjorden (15 km)

Bilete

• 
  Geirangerfjorden, Storfjordens inste del
• 
  Sett frå fylkesveg 650, fjordgarden Skotet rett over, Stranda bak.
• 
  Storfjorden ved Stranda.
• 
  Ferje Stranda-Liabygda, sett frå Stranda mot Liabygda.
• 
  Ferje Magerholmen-Aursnes, sett frå Magerholmen. foto:Eivind Sætre/norden.org
• 
  Utsyn mot vest over ytre delar av Storfjorden
• 
  Ut fjorden ved Vaksvik, Rønes og Søvik t.v. motsett side
• 
  Tafjorden, inste nordlege grein.
• 
  Oppdrettsanlegg ved Liabygda