Boris Johnson

Boris Johnson
Fødd	19. juni 1964 (60 år) New York by
Statsborgar av	USA, Storbritannia
Parti	Det konservative partiet i Storbritannia
Yrke	journalist, politikar, redaktør, skribent, essayist, bloggar, historikar
Utdanna ved	Eton College Balliol College Ashdown House School Ecole européenne Bruxelles I
Mor	Charlotte Johnson Wahl
Far	Stanley Johnson
Ektefelle	Allegra Mostyn-Owen, Marina Wheeler, Carrie Johnson
Sambuar	Carrie Johnson
Barn	Milo Arthur Johnson, Cassia Peaches Johnson, Theodore Apollo Johnson, Lara Lettice Johnson, Stephanie Macintyre Johnson, Wilfred Lawrie Nicholas Johnson, Romy Iris Charlotte Johnson, Frank Alfred Odysseus Johnson
Medlem	Bullingdon Club Beefsteak Club
Alle verv	Londons borgermester (2008–2016) Storbritannias utenriksminister (2016–2018) Medlem av Det kongelige råd (2016–) Medlem av Storbritannias 57. parlament (2017–2019) Medlem av Storbritannias 56. parlament (2015–2017) Medlem av Storbritannias 55. parlament (2005–2010) (2005–2008) Medlem av Storbritannias 53. parlament (2001–2005) (2001–2005) britisk statsminister (2019–2022) leder av Det konservative parti (2019–2022) Medlem av Storbritannias 58. parlament (2019–2023) First Lord of the Treasury (2019–2022) Minister for the Civil Service (2019–2022) Minister for the Union (2019–2022)

Boris Johnson (fødd 19. juni 1964) er ein britisk konservativ politikar, journalist og redaktør. Han var statsminister i Storbritannia frå 24. juli 2019 til 6. september 2022. Han blei vald inn i det britiske parlamentet i 2001, og som borgarmeister av London i 2008. Johnson har også vore skribent i fleire britiske aviser, og var ei tid redaktør for det konservative politiske magasinet Spectator. Johnson er kjend i britisk presse for ei eksentrisk framferd prega av humor og flauser.

Liv og virke

Alexander Boris de Pfeffel Johnson blei fødd i New York som eldste son av Stanley Johnson, tidlegare konservativt europaparlamentsmedlem og tilsett ved Europakommisjonen og Verdsbanken, og den første kona hans, målaren Charlotte Johnson Wahl. Boris Johnson har ein blanda familiebakgrunn og har kalla seg sjølv ein «einmanns smeltedigel», ettersom oldeforeldregenerasjonen hans inneheld både jødar, kristne og muslimar. Éin oldefar var den tyrkiske minsteren Ali Kemal Bey, som blei drepen under den tyrkiske frigjeringskrigen.

Johnson var stipendelev ved Eton og studerte ved Balliol College i Oxford. Han skreiv for avisene Times, The Wolverhampton Express og Star før han blei tilsett av The Daily Telegraph, der han mellom anna blei assisterande redaktør. Frå 1994 til 1995 skreiv han politiske kommentarar for The Spectator, som han blei redaktør for i 1999, ei stilling han gav opp då han blei skuggeminister for høgare utdanning i 2005.

Johnson er medlem av parlamentet for Henley i Oxfordshire. Han var offisiell opposisjonstalsmann (front-bench spokesman) som skuggeminister for høgare utdanning fram til han kunngjorde planane sine om å bli borgarmeister for London i juli 2007.

Boris har også vore gjest og gjesteprogramleiar fleire gonger i Have I Got News for You, det britiske opphavet til Nytt på nytt.

Kjelder

• About Boris i boris-johnson.com
• Denne artikkelen bygger på «Boris Johnson» frå Wikipedia på bokmål, og «Boris Johnson» frå Wikipedia på engelsk den 16. mai 2008.

Bakgrunnsstoff

Commons har multimedium som gjeld: Boris Johnson

• Offisiell nettstad