Location via proxy:   [ UP ]  
[Report a bug]   [Manage cookies]                
Hopp til innhald

Gaute Børstad Skjervø

Frå Wikipedia – det frie oppslagsverket
(Omdirigert frå Gaute Skjervø)
Gaute Børstad Skjervø

Fødd2. juli 1995 (29 år)
Levanger kommune
Statsborgar avNoreg
PartiArbeidarpartiet
Yrkepolitikar
EktefelleHoda Imad
MedlemEkstremismekommisjonen
Alle verv
  • vararepresentant til Stortinget (2017–2021)
  • vararepresentant til Stortinget (2021–) Sjå dette på Wikidata

Gaute Børstad Skjervø (fødd 2. juli 1995) er ein norsk politikar for Arbeidarpartiet frå Levanger.[1] Sidan oktober 2024 har Skjervø vore leiar av AUF,[2] og sit som varamedlem på Stortinget.[3]

Politisk karriere

[endre | endre wikiteksten]

Skjervø vart medlem i AUF i 2010, og har sidan hatt ei rekkje verv i arbeidarrørsla. Han har tidlegare vore nestleiar i Levanger AUF (2010–2012) og fylkesstyremedlem i AUF i Nord-Trøndelag (2010–2011). I 2011 vart han som 15-åring valt som fylkesleiar i AUF i Nord-Trøndelag. Under AUF sitt landsmøte i oktober 2018 vart han vald inn i sentralstyret, og var i perioden frå 2020 til 2024 nestleiar i organisasjonen.[4] Skjervø vart dinest innstilt som leiar av AUF september 2024,[5] og byrja i stillinga månaden etter.[2]

Skjervø overlevde terroråtaket på Utøya den 22. juli 2011.[6][7] Han har i tida etter 2011 vore ein av AUF sine sterkaste røyster i kampen mot rasisme og høgreekstremisme. Hausten 2019 vedtok AUF sitt sentralstyre å setja i gong eit prosjekt og setja ned eit eige 22 juli-utval som skulle sjå på korso organisasjonen skulle taka vare på arven etter 22. juli 2011. Det var fyrste gong ein slik gjennomgang vart gjord. Skjervø vart valt til å leia arbeidet.[8] Rapporten frå utvalet vart lagd fram for AUF sitt landsstyre den 20. august 2020, og seinare også for Arbeidarpartiet sitt landsstyre.[9] Han har også profilert seg i kampen for internasjonal solidaritet.

I perioden mellom 2019–2023 har han vore medlem av kommunestyret i Levanger Kommune.[10] I tillegg var han medlem av fylkestinget i Trøndelag Fylkeskommune,[11] der han var medlem i hovudutvalet for transport. Skjervø stod på 4. plass på Arbeidarpartiet si liste i Nord-Trøndelag til stortingsvalet 2017 og stortingsvalet 2019,[12] han har ved fleire høve møtt som vararepresentant.[1]

Skjervø vart i 2022 utnemnd som medlem i Ekstremismekommisjonen som Støre-regjeringa hadde oppretta.[13] Kommisjonen vart utnemnd for å auka kunnskapen om radikalisering og ekstremisme i Noreg. Kommisjonen hadde 16 medlemer frå ulike fagområde, og vart leidd av forskar Cathrine Thorleifsson.[13]

Andre verv

[endre | endre wikiteksten]

I juni 2023 vart Skjervø vald som visepresident i International Union of Socialist Youth (IUSY).[14]

Han har tidlegare yrkja som miljøarbeidar i Trondheim kommune, praktikant i Utanriksdepartementet og som rådgjevar i Framtiden i våre hender.

Kjelder

[endre | endre wikiteksten]
  1. ↑ 1,0 1,1 «Biografi: Skjervø, Gaute Børstad». Stortinget (på norsk). 9. mars 2008. Henta 18. oktober 2020. 
  2. ↑ 2,0 2,1 Birgitte Vågnes Bakken. «Gaute Børstad Skjervø (29) er ny AUF-leiar». framtida.no. Henta 30. oktober 2024. 
  3. ↑ «Biografi: Skjervø, Gaute Børstad». Stortinget (på norsk). 9. mars 2008. Henta 19. juli 2021. 
  4. ↑ NTB, (NTB) (18. oktober 2020). «Astrid Hoem valgt som ny leder av AUF». adressa.no (på norsk bokmål). Henta 18. oktober 2020. 
  5. ↑ Trond Odin Myhre Johansen. «Gaute Skjervø innstilles som ny AUF-leder» (på norsk bokmål). NRK. 
  6. ↑ Johansson, Anders Romsøy (6. juli 2017). «(+) Folk er folk, og Gaute er Gaute». innherred.no (på norsk bokmål). Henta 21. oktober 2020. [daud lenkje]
  7. ↑ Amund Rotbakken-Gundersen & Silje Kathrine Bjarkøy. «Gaute (29) overlevde terroren – en av få aktive igjen i AUF» (på norsk bokmål). NRK. Henta 5. september 2024. 
  8. ↑ «Arkivert kopi». auf.no. Arkivert frå originalen 27. oktober 2020. Henta 11. november 2020. 
  9. ↑ «Organisatorisk rapport, AUFs 22. juli-utvalg» (PDF). Henta 11. november 2020. 
  10. ↑ «Skjervø, Gaute Børstad - Levanger kommune». levanger.kommune.no. Arkivert frå originalen 18. oktober 2020. Henta 18. oktober 2020. 
  11. ↑ Aune, Erlend (3. juli 2020). «(+) Gaute er en travel og samfunnsengasjert ung mann. Nå går han også for topplederverv i AUF». innherred.no (på norsk bokmål). Henta 18. oktober 2020. 
  12. ↑ «Stortingsvalget 2017 i Nord-Trøndelag - Valglister med kandidater» (PDF). Fylkesvalgstyret i Nord-Trøndelag. Henta 12. november 2020. 
  13. ↑ 13,0 13,1 kontor, Statsministerens (10. juni 2022). «Regjeringen oppnevner ekstremismekommisjon». Regjeringen.no (på norsk). Henta 9. juni 2023. 
  14. ↑ «(+) Nominert til toppverv i internasjonal organisasjon: – Veldig stor ære». iLevanger (på norsk). 6. juni 2023. Henta 8. juni 2023. 

Bakgrunnsstoff

[endre | endre wikiteksten]
Commons har multimedium som gjeld: Gaute Børstad Skjervø


Henta frå «https://nn.wikipedia.org/w/index.php?title=Gaute_Børstad_Skjervø&oldid=3576991»