Kilkenny

Kilkenny
Byvåpenet til Kilkenny
Plassering
Styresmakter
Land Provins Grevskap	Irland Leinster County Kilkenny
Geografi
Flatevidd  - By	3,74 km²
Innbyggjarar  - Totalt (2006)    - folketettleik	22 719   6 075/km²
Koordinatar	52°39′2″N 7°15′2″W
Høgd over havet	60 m
Diverse annan informasjon
Heimeside: www.kilkennycity.ie

Kilkenny (irsk Cill Chainnigh, tyder «St. Canice-kyrkja») er ein by i Republikken Irland. Han er det administrative senteret i County Kilkenny og ligg søraust på Irland. Sjølve byen har kring 8 000 innbyggjarar, men med omland kjem innbyggjartalet opp i 22 000. Byen har status som city i Republikken Irland (i motsetnad til town), og er den minste av desse byane i landet, både i areal og innbyggjartal. Kilkenny ligg ved elva Nore og er kjend for historia si og nattelivet.

Kilkenny fekk kongeleg privilegium i 1609 av Kong Jakob I.

Kilkenny er den einaste byen i Republikken Irland med status som city som ikkje har teknisk høgskule eller universitet. Han er òg den einaste av desse byane som ikkje ligg ved kysten, eller der vatnet i elva ikkje vert påverka av tidvatn.

Byen er kjend for bryggeriet sitt, som i dag er eigd av Guinness. Ølet Smithwicks vert produsert her, men utgjer berre ein brøkdel av produksjonen. Ølet Kilkenny vart produsert med tanke på eksport til Europa, sidan Smithwicks vart rekna som vanskeleg å uttale for ikkje-engelskspråklege.

Kjelder

• Denne artikkelen bygger på «Kilkenny» frå Wikipedia på engelsk, den 28. oktober 2007.

Bakgrunnsstoff

• Kilkenny byråad
• Arkitektur i Kilkenny
• Bilete av Kilkenny på Flickr
• Turisme i Kilkenny Arkivert 2009-05-05 ved Wayback Machine.
• Turistattraksjonar i Kilkenny Arkivert 2008-05-29 ved Wayback Machine.