Rouoyaume
- Cotentinais : riyâome
- Guernésiais : rouoyanme, royaûme
- Jèrriais : rouoyaume (
rouoyaume)
Ch't' articl'ye fut c'menchie en Jèrriais
|
Un rouoyaume est un êtat gouvèrné par un rouai ou eune reine. Y'a des monarchies constitutionnelles (dans tchi qu'lé pouvé d'l'Êtat reste légalement dans un parlément) et des monarchies absolues (dans tchi qu'la pathole du rouai est la louai) - mais ch'n'est pon qu'toutes les monarchies sont des rouoyaumes, car y'a des duchés, des prîncipaûtés, d's émithaux et d'même.
Un rouai (ou eune reine) peut gouvèrner pus qu'un rouoyaume - par exempl'ye, les rouoyaumes du Commonwealth ont la même reine Lîzabé II mais i' sont des difféthents rouoyaumes - oulle est reine du Rouoyaume Unni, reine du Cannada, reine dé l'Australie, étc. Jusqu'en 1905, lé rouai d'Suède 'tait l'rouai d'Norouague.
Autrément, nou peut aver des rouoyaumes dans un empithe - dans l'empithe d'Allemangne (1870-1918), y'avait des rouoyaumes.
Viyiz étout
[amendaer | modifier le wikicode]
