Occitània (region administrativa)
La region d'Occitània[nt 1] (oficialament en francés: Occitanie;[2] en catalan: Occitània) es una region administrativa francesa, creada per la reforma territoriala de 2014, de la fusion de Lengadòc-Rosselhon e Miègjorn-Pirenèus. Es entrada en vigor lo 1r de genièr de 2016 après las eleccions regionalas de la fin de 2015.
Occitanie (fr) La Région Occitanie / Pyrénées-Méditerranée (fr) Occitània (oc) ![]() | |
![]() L'estanh de Laurenti en Arièja. | |
Nom oficial | Région Occitanie (fr) |
---|---|
Escais | Pyrénées-Méditerranée ![]() |
Administracion | |
Estat | França |
Division territoriala francesa | França metropolitana ![]() |
Capitala | Tolosa ![]() |
Lenga oficiala | francés ![]() |
• Autras lengas | occitan (lengadocian, gascon, provençal, auvernhàs) e catalan |
Politica | |
• Presidenta del conselh regional | Carole Delga (2016–) ![]() |
• Prefècte | Pierre-André Durand |
Geografia | |
Coordenadas | 43° 38′ 56″ N, 2° 20′ 37″ E |
Superfícia | 72 724 km² ![]() |
Punt culminant | Vinhamala (3 299 m) ![]() |
Fus orari | UTC+01:00 (ora estandard) UTC+02:00 (ora d'estiu) ![]() |
Demografia | |
• Totala | 6 022 176[1] ![]() ![]() |
• Densitat | 82,81 ab./km² |
Autras informacions | |
ISO 3166-2 | FR-OCC ![]() |
Sit web | laregion.fr ![]() |
Se compausa de 13 departaments, gaireben totes complètament de lenga occitana.
Denominacion
modificarUn nom provisòri de la region, a sa fondacion en 2015, foguèt «Lengadòc-Rosselhon-Miègjorn-Pirenèus»: èra compausat dels noms de las doas regions fusionadas, Lengadòc-Rosselhon e Miègjorn-Pirenèus, dins l'òrdre alfabetic.
Lo 24 de junh de 2016, lo conselh regional se causiguèt lo nom francés d’«Occitanie» e tanben un nom segondari mai long que foguèt «Occitanie-Pyrénées-Méditerranée». Lo 28 de setembre de 2016, lo Govèrn Francés[2] la nomenèt Occitanie sens precision.
La denominacion actuala a entraïnat de controvèrsias dins lo movement occitanista:[3]
- D'unes crenhon que lo nom d'aquesta region administrativa faga desparéisser lo sens tradicional d'Occitània (lo grand territòri de la lenga occitana): pensan que lo sentiment d'apertenéncia a Occitània es grèvament menaçat dins las autras regions de la granda Occitània tradicionala.
- D'autres, al contrari, se'n regausisson perque pensan que i a, enfin, un usatge oficial e institucional del nom d'Occitània. Supausan que lo nom d'Occitània serà mai conegut e mai revendicat dins las autras regions de la granda Occitània tradicionala.
En conclusion, aquesta region administrativa non engloba la totalitat del vertadièr país cultural d'Occitània.[4]
Composicion
modificarDivision | Nombre |
---|---|
Departaments | 13 |
Arrondiments | 36 |
Cantons | 249 |
Comunas | 4453 |
Populacion
modificarDefinicion | Nombre |
---|---|
Populacion de la region | 5 973 969 |
Populacion occitana | 5 311 151 |
Percentatge occitan | 88,9 % |
Eraldica
modificarBlasonament: «Sus escut francés ancian, escartairat, als tres primièrs de golas, al quatren d'aur a quatre pals de golas, cargat en son còr d'una crotz de Tolosa.»
Comentaris: La crotz occitana e los pals aragoneses (aquestes essent egalament utilizats per Aragon, las Illas Balearas, Catalonha, la Comunautat valenciana e divèrs blasons en Occitània) son totjorn estats declinats dins los emblèmas dels territòris qu'an constituït la region administrativa Occitània. Lo blason novèl es una reactualizacion grafica de l'ancian blason de Lengadòc-Rosselhon. Foguèt adoptat pel Conselh regional d'Occitània en 2017 en seguida de son identitat visuala.
|
Vejatz tanben
modificarNòtas
modificar- ↑ Aquesta denominacion es controversada per de rasons culturalas segon los movements occitanistas (cf. Denominacion) e catalanistas, en virtut de la preséncia de la lenga e cultura catalanas dins totes los Pirenèus Orientals levat Fenolhedés.
Referéncias
modificar- ↑ Afirmat dins: Populations légales 2021. Data de publicacion: 28 de decembre de 2023. Ostal d'edicion: Institut Nacional de l'Estatistica e dels Estudis Economics.
- ↑ 2,0 et 2,1 «Décret n° 2016-1264 du 28 septembre 2016 portant fixation du nom et du chef-lieu de la région Occitanie». JORF. Secrétariat général du gouvernement de France. [Consulta: 05-08-2024]
- ↑ «Per una reconciliacion nacionala». Jornalet, 04-09-2016.
- ↑ Négrier, Emmanuel; Simoulin, Vincent. «L’invention d’une région. L’Occitanie à l’étude.», 19-04-2021. www.hypotheses.org. [Consulta: 05-08-2024]