Tikal

Tikal es la pus granda de las ancianas ciutats dels maias del periòde classic. Es situada dins la region de Petén, dins lo territòri del Guatemala actual.

Temple II o Temple de las Mascaras

Tikal foguèt un dels principals centres culturals e de poblament de la civilizacion maia. La tomba del fondador possible de la dinastia Yax Ehb' Xook data de circa l'an 60, encara que mòstra una ocupacion dempuèi 600 abC segon las descobèrtas a Mundo Perdido, la part mai anciana de la ciutat.

Prosperèt principalament durant lo periòde classic maia, aperaqui de 200 a 850, data aprés la quala se bastiguèron pus cap grands monuments, e ont d'unes palais de l'elit foguèron cremats, e la populacion descreissèt fins a çò que lo luòc foguèsse abandonat a la fin del sègle X. L'ultim monument datant de 899.