Ramones
Ramones oli New Yorkas vuvvennu 1974 perustettu punkrock-joukkoveh. Joukkovehen muuzikku oli humorististu da yksinkerdastu, hos enzidiskan ilmahpiäständän aigah popul´arnoin muuzikan muailmua haldivoittih vie progressiivistu rockua soittajat bändit. Ramones oli vikse tärgevin yksittäine bändi, kudai toi muutostu täh tilandeheh da luadi punk-genrie popul´arnoikse.
Ramonesan jäzenii oldih bändin histourien aijannu Johnny Ramone, Dee Dee Ramone, Joey Ramone, Tommy Ramone, Marky Ramone, Richie Ramone, Elvis Ramone da C.J. Ramone. Heis alguperäzii jäzenii oldih Joey, Johnny, Tommy da Dee Dee. Ramonesan jäzenet käytettih kai sugunimenny Ramonie, hos hyö ei ni oldu velleksii libo muudu rod'nua toine toizele.
John Cummings (Johnny) da Thomas Erdelyi (Tommy) oldih mollembat samas Tangerine Puppets -bändis vuozinnu 1965-67.[1] Hyö tuttavuttih Douglas Colvinan (Dee Dee) kel, kudai ei ammui muutti Germuaniespäi,[2] da Jeffrey Hymanan (Joey) kel, kudai silloi oli artistu vuvvennu 1972 perustetus glam rock -bändis Sniper.[3][4]
Vuvvennu 1974 Cummings da Colvin kučuttih Hyman yhtyö heijänke joukkovehekse. Sil aigua Colvin oli piäpajattai da soitti ritmu- da bassogituarua, Cummings piägituaristi, da Hyman barabuanois. Colvin, kudai terväh vaihtoi bassoh, oli enzimäine ku otti nimen "Ramone", kuččujen iččiedäh Dee Dee Ramone. Idejan häi sai Paul McCartneyspäi, kudai käytti Paul Ramon -nimie omassah sen aigazes joukkovehes.[5][6] Dee Dee sai toizetgi ottamah nimen da sai idejan ku otettas bändin nimekse Ramones.[7] Sit Hyman rodih Ramonesan piäpajattajakse, da allus bändin manadžerannu ruadai Erdelyi rubei soittamah barabuanoi.
Stuudiial'bomat
kohendaAl'bom |
Ilmahpiästetty |
Brittnien al'bomluvettelos | |
|---|---|---|---|
| Ramones | 23. sulakuudu 1976 | 111 | – |
| Leave Home | 10. pakkaskuudu 1977 | 148 | 45 |
| Rocket to Russia | 4. kylmykuudu 1977 | 49 | 60 |
| Road to Ruin | 22. syvyskuudu 1978 | 103 | 32 |
| End of the Century | 4. tuhukuudu 1980 | 44 | 14 |
| Pleasant Dreams | 29. heinykuudu 1981 | 58 | – |
| Subterranean Jungle | tuhukuus1983 | 83 | – |
| Too Tough to Die | ligakuus 1984 | 172 | 63 |
| Animal Boy | 18. oraskuudu 1986 | 143 | 38 |
| Halfway to Sanity | 15. syvyskuudu 1987 | 172 | 78 |
| Brain Drain | 18. oraskuudu 1989 | 122 | 75 |
| Mondo Bizarro | 1. syvyskuudu 1992 | 190 | 87 |
| Acid Eaters | talvikuus 1993 | 179 | – |
| ¡Adios Amigos! | 18. heinykuudu 1995 | 148 | 62 |
Lähtehet
kohenda- ↑ Laitio-Ramone, Jari-Pekka |url=https://web.archive.org/web/20160310023917/http://kauhajokinyt.fi/~jplaitio/story/tange.html%7CTangerine Puppets (Interview with Richard Adler)|1997|Jari-Pekka Laitio-Ramonen Henkilökohtainen Kotisivutuotos|accessdate=2009-11-05
- ↑ http://www.pbs.org/independentlens/endofthecentury/ramones.html End of the Century:The Ramones. Independent Lens. PBS. Viitattu 2009-11-07
- ↑ Time https://web.archive.org/web/20111205234544/http://www.time.com/time/arts/article/0,8599,107146-2,00.html. Pal Joey, Enright Michael. April 20, 2001. Time Warner. Viitattu 2009-10-20
- ↑ McNeil da McCain (1996), pp. 181, 496.
- ↑ Melnick da Meyer (2003), p. 32.
- ↑ Sandford (2006), p. 11.
- ↑ https://web.archive.org/web/20060319010949/http://www.punkbands.com/interviews.php?id=71 Interview with Marky Ramone. 30.11.1999. PunkBands.com. Viitattu 2009-11-03