Regionnan di Aruba

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Regionnan di Aruba

Brug Gobernador Fredis Refunjol cu ta pasa over di Spaans Lagoen.

Un region di Aruba ta un subdivision di e teritorio Arubano riba nivel geografico regional.

Aruba ta parti den ocho region, antes yama "districto". Cada region ta subdividi den zonanan (pueblo y barionan), cu na nan turno ta subdividi den cayanan. E sistema di subdivision tin solamente un funcion administrativo, logistico y estadistico. E prome cifra di e codificacion GAC ("Geografische Adressen Classificatie") di CBS Aruba ta indica e region.

Historia

Na 1866 a dividi e isla den cuater districto: Noord, Santa Cruz, Savaneta y San Nicolas y un districto urbano (stadsdistrict): Oranjestad. Oranjestad tabata alabes apunta como e luga principal di Aruba. E tempo ey cada districto tabatin un cabesante di districto (districtmeester) cu tabata encarga cu supervision. Pa medio di ordenansa a stipula e districtonan di nobo na 1935 y a fiha e delineacion di e districtonan urbano Oranjestad y San Nicolas. Desde añanan 90 di siglo 20 Aruba tin 8 districto o region. Como region 'nobo' a agrega Paradera, cu anteriormente tabata pertenece na districto Noord. E otro dos region 'nobo' tabata resultado di a split e dos region mas grandi; Oranjestad a bira Oranjestad West y Oranjestad Oost y San Nicolas a bira San Nicolas Noord y San Nicolas Zuid.

Den boca di pueblo ta referi na e regionnan panort di e brug cu ta pasa over di Spaans Lagoen como pariba di brug (Oranjestad, Noord/Tanki Leendert, Santa Cruz, Paradera) y esunnan pazuid di e brug como pabou di brug (San Nicolas, Savaneta).

Regionnan

1. Noord/Tanki Leendert
2. Oranjestad West
3. Oranjestad Oost
4. Paradera
5. Santa Cruz
6. Savaneta
7. San Nicolas Noord
8. San Nicolas Zuid

Fuente, nota i/òf referensia