Gaul

De Gaul (Equus ferus caballus) is e domestizierdes Viech aus de Ordnung vun de Unpaarhufer. Er is außerm Przewalskiviech (Equus ferus przewalski), mit demer barrierefrei kreizbar is, die äänsiche üwwerlewende Unnerart vum Wildgaul (Equus ferus). De Gaul stammt awwer nit nur vun dem ab, awwer nach ennere Theorie is de Gaul de Nachfahr vun vier Urtype, in die Tarpane un Przewalskis ingefloss sin. Das sin es Nordpony (näggschder Verwander:Exmoorpony), es Tundrepony (n. V.:Przwalskigaul), de Ramskoppgaul (n. V. Sorraia) un de Steppegaul (n. V. Kaspisches Pony). Weiße Abzeiche wie Blässe unsoweider sin Domestikationsmerkmale, wo uff Inzucht basieren.

Verbastardierunge mit annere Equus-Arde

Mischlinge zwische Gaul un Esel orre Gaul un Zebras kummen vor, sin awwer in de Reeschel unfruchtbar. Ausnahme kummen bei de Muli (Gaul x Esel) nur bei manche Weibcher vor, wo sich mit de Elderearde vermische kennen.

Pälzer Gaul

In de Palz hämmer nadierlisch ä eicheni Rass: De Palz-Adenner. Der schwere Ackergaul (Kaldbluud) is noch in de Neunzehhunnertfuchzicher Johre im Wald, im Transportgewerwe un im Wingert die wichdigschd Aweidskrafd gewese. In de nainzischer Johr war-er vum Aussterwe bedrohd. Awwer dursch angaschierde Zischder hotter wohl widder e Zukunfd.

Syschdematik

Weil das Teschtprojekt hier noch key Taxobox zein kann, is de Inhalt inneme eischne Absatz gezeit. Wann eyner weys, wie mer so ebbes a im Teschtprojekt darstelle kann, dann sollers mo probiere.

Gaul

Syschdematik

Unnerklass:	Hehere Säugetiere (Eutheria)
Üwwerordnung:	Laurasiatheria
Ordnung:	Unpaarhufer (Perissodactyla)
Familie:	Gail (Equidae)
Gattung:	Equus
Art:	Wildgaul
Unnerart:	Gaul

Biologischi Nomenklatur

Equus ferus caballus

Linnaeus, 1758

Lidderatur

Alfred Edmund Brehm: Brehms Tierleben, Digitale Bibliothek, ISBN 3-89853-476-6

Weblinks