Dumini Badalin

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Poeta. Dumini (a l'anàgrafe Domenico) Badalin a l'era nassù a Turin ij 6 ëd mars dël 1917 e a l'é mòrt-ie ij 5 ëd fërvé dël 1980. A l'avìa travajà për vàire agn a la FIAT aviassion. A l'era marià con Rosetta.

Soa produssion poética

Badalin a l'ha scrivù la pì part ëd soe poesie an monfrin, ma a-i na i-é ëdcò an turinèis. A l'era fasse conòsse dal pùblich ant ël 1969, cand a l'avìa vagnà ël concors Nino Còsta; ant l'Armanach piemontèis dël 1970 a-i surtìo tre 'd soe poesìe (Bela, Ra mé sgnora, Lin-a d'agost), soasìe da Celestina Costa (fija ëd Nino).

Ant ël giugn dël 1970 a l'avìa ancaminà a colaboré al Musicalbrandé, con In paisan. Badalin a l'ha ancaminà a publiché soe arcòlte 'd poesìe possà da Roberto Marra. Soens sò manuscrit a smon-o dle cite variant con ël passé dël temp, sign che chiel a chitava nen ëd travajeie ansima. Ëd chiel a-i resto ëdcò chèich pàgine an pròsa.

Euvre

Listeurij dij varèj (1978);
Doe minute për ti (1979);
Ij varèj (2006, edission cudìa da Giusep Gorìa an 1000 còpie numerà, surtìa con un CD ëd poesìe arsità da l'autor).