Wikipedia:Artitgel

In artitgel en la Vichipedia rumantscha duai ademplir tschertas premissas minimalas, duai inditgar funtaunas e resguardar ils auters idioms.

Tgi che n’ha anc mai scrit en la Vichipedia, po far emprovas sin la Plazza da gieu u po leger ils prims pass.

Premissas minimalas

• Mintga artitgel duai cuntegnair almain tschintg construcziuns (senza infurmaziuns statisticas); ina stgaffa d’infurmaziuns na dumbra betg. Sch’in artitgel è dus dis suenter sia creaziun anc pli pitschen, duai il template "Stub stidar" vegnir plazzà. Sche l’artitgel n’è betg creschì suenter duas emnas, vegn l’artitgel stidà. Cun questa regla vulain nus sbassar il dumber dad artitgels che na cuntegnan nagina infurmaziun nova per il lectur.
• Mintga artitgel duai esser scrit per rumantsch. Sche en in idiom u per Rumantsch Grischun è tuttina (guarda sutvart “Idiom u Rumantsch Grischun?”). Per artitgels cun gronds problems da la lingua duai vegnir integrà il template "per repassar". Texts ch’èn betg vegnids translatads vegnan marcads cun il template Template:Text betg translatà.
• Mintga artitgel duai esser dad interess general. La Vichipedia na duai betg esser in Facebook.
• Artitgels che èn cuntrari al dretg u offendan persunas n’èn betg acceptads’’.
• Artitgels èn scrits en in stil neutral. Perquai na vegn p. ex. la prima persuna prest mai avant en in artitgel. Era da la lingua dal mintgadi duai vegnir desistì nua pussaivel.
• Las funtaunas èn artitgels ston esser marcadas.

Artitgels che na correspundan betg a questas pretensiuns vegnan stidads.

Idiom u Rumantsch Grischun?

La Vichipedia rumantscha duai consister dad artitgels da tut ils idioms ed en rumantsch grischun. Per far urden valan dentant suandantas reglas:

• il lemma da mintga artitgel è scrits per Rumantsch Grischun
• sche in artitgel vegn scrit en plirs idioms, vegnan quels ordinads en subartitgels: lemma (idiom)
• cun ils models Model:Idiom, Model:Idiom2 e Model:Idiom2a vegn l’idiom (ed il titel correct) definì

Quai tuna fitg cumplitgà, perquai qua in exempel

In puter scriva in artitgel davart Cuira. Quel vegn memorisà sut il lemma Cuira (puter). El integrescha l’entschatta da l’artitgel suandant model

{{Idiom|puter|Cuira}}

Pli tard scriva insatgi era in artitgel davart Cuira per sursilvan. Quel vegn memorisà sut Cuira (sursilvan) cun il model:

{{Idiom2|idiom1=sursilvan|idiom2=puter|lemma=Cuira (sursilvan)|lemma2=Cuira (puter)}}

En il artitgel puter vegn integrà il model:

{{Idiom2|idiom1=puter|idiom2=sursilvan|lemma=Cuira (puter)|lemma2=Cuira (sursilvan)}}

Sche insatgi scriva lura anc in artitgel per Rumantsch Grischun vegn quest memorisà sut il lemma Cuira. Era quel vegn marcà cun il model d’idiom:

{{Idiom2|idiom1=Rumantsch Grischun|idiom2=puter|lemma=Cuira|lemma2=Cuira (puter)}}
{{Idiom2|idiom1=Rumantsch Grischun|idiom2=sursilvan|lemma=Cuira|lemma2=Cuira (sursilvan)}}

Funtaunas

• Sche ti citeschas dad autras funtaunas, lura inditgescha las funtaunas. Uschiglio vala quai sco plagiat e vegn stidà.
• Ovras sco poesias etc. na dastgan betg vegnir integrads en gronda massa e lunghezza. Ellas astgan be servir per explitgar insatge. Auter è quai sche l’autur è gia mort dapi dapli che 70 onns, lura è il dretg d’autur scrudà ed l’ovra po vegnir utilisada.
• En la Vichipedia duain teorias vegnir documentadas e betg tschertgadas u elavuradas
• Translaziuns dad autras Vichipedias èn lubidas, ti stos dentant marcar quai. Il pli simpel va quai cun suandant template: Template:Translaziun.

Colliaziuns

Colliaziuns internas

I na duess betg vegnì fatg memia bleras colliaziuns internas sin artitgels che n’existan betg. Quai è cunzunt impurtant tar translaziuns ord autras Vichipedias, nua che betg mintga colliaziun duai vegnir surprendida.

Colliaziuns a Vichipedias dad autras linguas vessan be esser menziunadas sut “Colliaziuns” u “Vesair er” e duessan vegnir marcadas. En il text duess ins desister da talas colliaziuns.

Colliaziuns externas

Colliaziuns externas vessan be da star sut “Colliaziuns”, en las funtaunas u en rubricas cun litteratura secundara. Plinavant vala pli pac è dapli: La Vichipedia duai betg esser ina collecziun da colliaziuns.