Михаил Алмашій
Михаил Алмаший, укр. Михайло Іванович Алмашій, (* 2. октобра 1930, Ромочевиця, Подкарпатска Русь, Чехословакия – † 6. юна 2019, Ужгород, Украина) — русинскый педагог, языкознатель, збератель фолклора, културный и сполоченскый дѣятель, енциклопедиста, хормайстер.[1][2]
| Михаил Алмаший | |
|---|---|
| Михайло Іванович Алмашій укр. | |
 | |
| Чинность | Учитель, збератель фолклора, културный и сполоченскый дѣятель, енциклопедиста, хормайстер |
| Уроджѣня | октобра 2., 1930 |
| Ромочевиця, Подкарпатска Русь, Чехословакия | |
| Упокоеня | юна 6., 2019 (88 р.) Ужгород, Украина |
| Ошкола | Мукачівська гімназія |
| GKG:/g/11fqyrcflx;
| |
Биография
едітовати- Школы
- Походив з селянской родины. Зачаточну школу выходив в родном селѣ (1937–1941). Середню освѣту достав на Мукачовской реалной гимназии, котра в року 1945 была реорганизована по совѣтской системѣ в середню школу №20 (1941–1949). На филологичной факултѣ новоствореной универзиты в Ужгородѣ зыскав диплому русского филолога (1949–1954).[3]
- Педагогична и научна робота
- Уже од штудентскых рокох мав активну сполоченску позицию: быв старостом академгрупы, пять рокы активный участник научных конференций, а од третього рочника голова научного товаришства факулты, хормайстер штудентского хора и оркестра народных инштрументох историко-филологичной факулты, член шпортовой репрезентации универзиты (атлетика, фотбал, кошарка). Въедно з П. Линтуром занимав ся проблемами русинского фолклора, языка и литературы. Уже од пятого рочника, од року 1953 зачав працовати учительом русского языка и литературы в Залужанской середньой школѣ и оддав той роботѣ 43 рокы свого живота. Не лишив интерес ку музицѣ, быв членом Лигы народных композиторох Украины, майже повстороча быв ведучым школского оркестра народных инштрументох, з котрым ходив по гостьовых выступах и зыскав званя Взорного колектива. Нераз его педагогична робота была оцѣнена одзнаками, меджи тыма званя Заслуженый учитель Украины (1983), одзнака Взорный працовник освѣты (1996), Чоловѣк року Мукачовщины (1997).[4]
- Сполоченска робота
- Од року 1989 активно став на чоло русинской народной оброды. Од року 1994 голова областного Общества А. Духновича на Подкарпатю, од року 1996 основатель и ведучый хора Стара спѣванка, котрый вертать до живота спѣванкы подкарпатскых Русинох, ведучый церковного хору села Ромочевиця-Залуж.[1] Активно ся участнить в процесѣ кодификации русинского языка, Е автором сучасной граматикы подкарпатского варианту русинского языка и вельох далшых русинистичных робот.
Умер в Ужгородѣ 6. юна 2019 во вѣку 88 рокы, яко до конця активный працовник русинской културной нивы. Погребеный на Доманинском теметовѣ.[5][2] Лишив жену, двох одданых дѣвок з властныма дѣтми.[4]
Творба
едітоватиВыступав активно в пресѣ з публикациями, переважно народописного характера, на темы истории, языка, вызначных особ Подкарпатской Руси и звязаных з ньов, з рецензиями на новы публикации русинскых авторох и о Русинах, з чертами о интересных, малопознатых, або забытых подѣях и людях своей отцюзнины. Яко словникарь и енциклопедиста выдав цѣлу библиотеку властных книг, а тыж быв активным сполуавтором в найлѣпшых енциклопедиях о Русинах, котры доднесь появлены.[1] Неповна библиография его пресовых публикаций и властных книжок станом на рок 2015 числить 557 позиций.[6]
Жерела и одказы
едітовати- Алмашій М.: Бібліографія. //Михаил Алмашій. Еволуція світозора. — Ужгород: Карпатська Вежа, 2015. 582 с. ISBN 978-966-8270-15-1
- Гомоннай В. В. Антологія педагогічної думки Закарпаття (XIX–XX ст.) — Ужгород: Вид-во «Закарпаття», 1992.
- Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. ISBN 978-966-387-044-1, с. 7.
- Шарган Г., Закривидорога О.: Михайло Іванович Алмашій: 75-річчя з дня народження заслуженого вчителя України, хормейстера (народився 1930). //Календар краєзнавчих пам'ятних дат на 2005 рік — Ужгород: Вид-во Падяка, 2004. Сс. 255–259.
- Михайло Алмашій ославив 85 років свого жывота // Академія русиньской културы в СР
- Петро Медвідь (2020-10-02). Недожыта 90-ка Михаіла Алмашія. LEM.FM. https://www.lem.fm/nedozhyta-90-ka-mikhaila-almashiya/. [перевірено 2020-10-10].
- Иван Роман (2019-06-08). Смуточна одправа, Ужгород, Калвария (по русинскы) (video). https://www.facebook.com/rusyn.pr/videos/877980359203732/. [перевірено 2019-06-09].