Алекса Бокшай
Алекса Бокшай (чеськ. Alexa Bokšay; 27. марца 1911, Великы Лазы – 27. авґуста 2007, Прага) - вызначний русиньскый і ческый фотбаловый шпортовець – бранкарь. Пережыв векшыну свого жывота в Празї і выразно ся записав до шпортового руху Чeскoслoвeньска.
Біоґрафія
[едітовати | едітовати жрідло]Народив ся Алекса Бокшай як дванасте дітя у родинї учітеля. В 1936 роцї поміг підкарпаторусиньскому клубу ШК РУСЬ Ужгород к поступу до 1. ческословеньской ліґы. Грачом ШК РУСЬ Ужгород быв до року 1937, потім перешов до Прагы. в 1938 роцї быв єден із стовпів славной перемогы ШК Славії Прага в Середнёевропскім погарї. По Другій світовій войні працював як фотбаловый тренер і нескорше як учітель у Празї (до року 1971).
Жрідла
[едітовати | едітовати жрідло]- Народны новинькы ч.25-28, юл 2008
- Іван Поп: Podkarpatská Rus - osobnosti její historie, vědy a kultury, Libri; Перше выданя (2008), ISBN 978-80-7277-370-1