Mare Nieddu

Artìculu in LSC

Su mare nieddu est postu intre Europa, Càucasu e Anatòlia. Largu unos 1.500 km de s'uestu a s'estu, e unos 60 km de norte fache a sud, s'isterret subra una subrafache de 413.000 km². S'agetivu currespondente est « pònticu », chi dependet de su nùmene tentu in antighidade, est a ischire Pontu Eusinu.

Carta fìsica de su mare Nieddu

Posidura

Commùnicat in su notre cun su mare de Azov peri s'istrintu de Kerci, e in su sud cun su mare Mediterràneu, peri su Bòsforu, su mare de Màrmara e is Dardanellos. A cara de is costeras de uestu e de norte si sighit cun numerosos « limanos » (lagunas navigabiles cun salinidade e abbulizadura chi bàriat cun s'istasone, e chi serbint a is pisches pro s'inciovadura).

Su clima est mediterràneu in istadiale (bascosu, sicu e solianu), ma cuntinentale in ierru (fridu istradu, su mare podet astragare, is niadas sunt fitianas), cun nèbidas fitas in is istasones intermedianas. Durante is temporadas de ierru, is undas sunt curtzas ma artas, e podent arribbare dae prus bandas a sa borta, cun efetu de fàghere sa navigatzione incolliosa.

Istados chi si ghetant in su mare Nieddu

• Bulgaria
• Geòrgia
• Romania
• Rùssia
• Turchia
• Ucraina