Uttùviru 2011
| 2010 | Abbinimenti dû 2011 | 2012 |
|---|---|---|
| Jinnaru 2011 | Frivaru 2011 | Marzu 2011 | Aprili 2011 | Maiu 2011 | Giugnu 2011 | Giugnettu 2011 | Austu 2011 | Sittèmmiru 2011 | Uttùviru 2011 | Nuvèmmiru 2011 | Dicèmmiru 2011 | ||
Munnu
cancia
- Secunnu l'esperti di dimografìa la pupulazzioni dû munnu agghica ogghi a 7 miliardi. Pi aumintari di nu miliardu ci vòsiru sulu 12 anni.
- Bruxelles: Lu cunsigghiu dî capi di statu di l'Unioni Europea dicisi na sei di misuri pi cancillari na parti dû dèbbicu pùbbricu dâ Grecia e accittau lu pianu dû cuvernu italianu pi cuntrullari lu sò dèbbitu pùbbricu. Tutti sti misuri avissiru a diminuiri lu rischiu di niscuta di l'euru cu lu cunsiquenti fallimentu dû pruggettu di munita unica eurupea.
- Istanbul: Nu tirrimotu stimatu a 7,2 gradi dâ scala Richter ntî l'est dâ Turchia causau danni gravi e la morti di diversi cintinara di pirsuni. Lu bilancu difinitivu è ancora ncertu.
- Sirti: L'ex dittaturi dâ Libbia, lu colonnellu Muammar Gheddafi fu pigghiatu dê surdati dû novu riggimi, e, firutu di nu corpu d'arma di focu, murìu subbutu doppu.
- Oslu: Lu premiu Nobel pâ paci fu assignatu a tri fìmmini: li libberiani Ellen Johnson Sirleaf e Leymah Gbowee e la yemenita Tawakkul Karman.
- San Franciscu: Assira murìu Steve Jobs. Mprinnituri visiunariu ntô campu dâ nfurmatica, suffrìa di diversu tempu di na maladdìa ncurabbili.
Sicilia e cuntinenti
cancia- La Spezzia: Lu maluttempu di sti jorna causau ciumi di fancu ca attravirsaru diversi paiseddi dâ cost dâ Liguria e dâ Tuscana, facennu armenu 7 morti.
- Palermu: Doppu sei jurnati di campiunatu di palluni di Seria A, lu Palermu cu 10 punti è quintu a du' punti dâ capulista e lu Catania, ca battìu l'Inter pi 2-1, cu 9 punti è settimu.
- Roma: Ntî na manifestazzioni pacifica contra lu libbiralismu ecunòmicu di circa 100 mila pirsuni si nfiltraru na banna di picciotti viulenti ca cumminaru circa n miliuni di euru di danni e casuaru 100 firuti e scontri chê forzi di l'ordini.
| 2010 | Abbinimenti dû 2011 | 2012 |
|---|---|---|
| Jinnaru 2011 | Frivaru 2011 | Marzu 2011 | Aprili 2011 | Maiu 2011 | Giugnu 2011 | Giugnettu 2011 | Austu 2011 | Sittèmmiru 2011 | Uttùviru 2011 | Nuvèmmiru 2011 | Dicèmmiru 2011 | ||