Conca d'Oru
La Conca d'Oru è lu chianu attornu a Palermu e attornu a li paisi vicini. Si trova tra li Munti e lu Mari Tirrenu, unni si affaccia Palermu cu lu sò Munti Piddirinu, àvutu 660 metri supra lu mari. La "Conca d'Oru" è granni quasi 100 chilometri quatrati, chi vannu da Baharia a Sferracavaddu, un tempu tutti cuittivàti a aranci, limiuna e mannarini. Ppi chistu si chiamò e si chiama "Conca d'Oru". La vaddàta ora è tutta diversa pircchì Palermu s'ingrannìu senza règuli e senza cuntròlli tantu ca stu tipu di espanziuni, unni attività ecunòmichi di dubbia liggittimitati s'ammiscaru ntî l'anni '70, si chiamò lu Saccu di Palermu. C'è ancora quarchi tirrenu cuittivàtu ad aranci, limiuna e mannarini, ma sunnu picca. E stu picca stissu arrinesci ancora a cuittivari lu Mannarinu tardivu di Ciacuddi e chiddu di Crucivirdi, scanusciutu quasi ai Palermitani, ma ricircatu all'esteru.