Polen

Rzeczpospolita Polska

Woalspruch: -
Nationoalhymne: Mazurek Dąbrowskiego

Amtssproake	Poolsk
Haudstääd	Warschau
Stoatsfoarm	Republik
Flakte % Woater	312.679 km² 2,6%
Ienwoonere (2017)	38.442.346
Munte	Poolske Zloty (PLN)
Tiedzone	UTC +1
Fierdai	3. Moai
Loundkode	POL
Auto-Känteeken	PL
Internet TLD	.pl
Telefonfoarwoal	+48

Polen (poolsk Polska) is n Lound in Europa. Ju Haudstääd is Warschau un die Interimspräsident fon ju Republik is siet 2015 Andrzej Duda.

Geografie

Die hoochste Bierich fon dät Lound is die Rysy (2499 m). Do grootste Äien fon Polen sunt ju Weichsel un ju Oder.

Polen wäd begränsed fon:

ju Aastsee un ju ruske Eksklave Kaliningrad (fröier Köönichsbierich) in dät Noude;
Litauen in dät Noudaaste;
Wietruslound in dät Aaste;
ju Ukraine in dät Suudaaste;
ju Slowakäi in dät Suude;
Tschechien in dät Suudwääste;
Düütsklound in dät Wääste.

Geschichte

Ätter dän Eerste Waareldkriech wuud 1918 n näi Polen stifted, dät sien Oainständegaid juunuur ju Sowjetunion ärfoulchriek ferdäägende in dän poolsk-russisken Kriech fon 1920-1921. Bie dän Ounfang fon dän Twäide Waareldkriech wuud dät Lound deeld twiske Nazi-Düütsklound un ju Sowjetunion. Die Twäide Waareldkrieg wuud ne Katastrophe foar Polen, wierbie 20% fon ju Befoulkenge uumebroacht wuuden is. Ätter dän Kriech wuuden do Aast- un Wäästscheede ätter dät Wääste ferschäuwen, mäd n grooten twoangenen Foulksuumtoach as Foulge. Moor noch as do uur Loundere do der fon ju Sowjetunion ap Düütsklound äroberd wuuden, koom Polen unner direkten Ienfloud fon ju Sowjetunion.

In dät Jier 1989 sunt in Polen fräie Woale ouheelden. Dät wieren do eerste fräie Woale ätter dän Fal fon ju Berliner Muure.

Wirtschaft

Dät Bruttoinloundsprodukt pro Kop waas $29.300 in 2017. In 2016 waas 2,6% fon ju ganse Wirtschaft Loundwirtschaft, 38,5% Industrie un 58,9% Tjoonste [1].

Polen

Inhooldsferteeknis

Geografie

Geschichte

Wirtschaft

Sjuch uk

Bielden