Beoarbaidje fon Dialekte in Fryslân (Apsats)

==Läichsaksiske Dialekte==
[[Stellingwerfsk]] ''(Stellingwarfs, uk Oertsjongersk noomd)'' is n läichsachsisken Dialekt, die der boald wäd in dän grootste Deel fon do Meenten [[Eaststellingwerf|Aast]]- un [[Weststellingwerf]] (touhoope do [[Stellingwerf|Stellingwerve]]), [[Steenwijkerlound]] un n litjen anlääsendenden Deel fon [[Drenthe]]. Uutnoamen sunt do Täärpe [[Haulerwijk]] un [[Waskemeer]] (bee Aaststellingwerf), wier [[Wäästfräisk]] boald wäd, un dät Gestrich uum dät Täärp [[Noordwolde]] tou, wier sik unner Ienfloud fon do Feenkoloniën ne oaine Sproake äntwikkeld häd. Do Stellingwerve sunt n Gebiet in [[Fryslân|Wäästfräislound]] wier siet oolden Tieden neen Fräisk boald wäd.<br>
Wofuul Stellingwerfsk, Wäästfräisk un Niederloundisk in do bee Meenten boald wäide, is unnersoacht wuuden in n Quick-Scan fon ju Provinz Fryslân in do Jiere 2007 un 2011. Do Resultoate sunt so:
<center>
{| class="wikitable"
!colspan="16"|'''Resultoate Quick-Scan 2007'''
|-
|'''Huussproake'''||'''Waäststellingwerf'''||'''Aaststellingwerf'''
|-
|Stellingwerfsk||29%||12%
|-
|Fräisk||18%||41%
|-
|Niederloundisk||53%||47%
|}
</center>
<center>
{| class="wikitable"
!colspan="16"|'''Resultoate Quick-Scan 2011'''
|-
|'''Huussproake'''||'''Waäststellingwerf'''||'''Aaststellingwerf'''
|-
|Stellingwerfsk||22%||11%
|-
|Fräisk||22%||39%
|-
|Niederloundisk||56%||50%
|}
</center>

Minner as 5 % fon dät Jungfoulk boald Stellingwerfsk.<br>

[[Pompstersk]] is n [[läichsaksisk]]-[[grins]]lounder Dialekt, die der in dät Täärp [[Kollumerpomp]] in de Midde fon ju [[wäästfräisk]]e Meente [[Kollumerlound]] boald wäid. Die Dialekt wäid noch fon sun 200 maast allere Moanskene boald. Ju Taal Boalere wäd oawers minner.<br>

[[Wäästerkertiersk]] is n [[läichsaksisk]]en Dialekt, die fon so'n 800 Moanskene in dän aastelken Deel fon ju fräiske Meente [[Kollumerlound]] un so'n 22.000 Moanskene in Deele fon ju Provinz [[Grins]] boald wäd.

{{SproakenFryslan}}
 
[[Kategorie:Sproake]]
[[Kategorie:Fryslân]]