Binabago ang Aklat ni Zacarias (seksiyon)

== Mga bahagi ==
[[Talaksan:Michelangelo Buonarroti 031.jpg|thumb|left|140px|Si Propeta Zacarias.]]
May dalawang pangunahing bahagi ang ''Aklat ni Zacarias''.  Sa unang bahagi, kinumpol ang ika-1 hanggang ika-8 mga kabanata, na naglalaman ng mga hula ni Zacarias na tinatayang ginawa ng propeta mula 520 BK magpahanggang 518 BK.  Tinatalakay dito ang mga pangitain ni Propeta Zacarias, kasama ang panunumbalik sa Diyos ng bayang Jerusalem, ang pagtatatag na muli ng dalanginan, ang paglilinis ng bayan, at ang sasapit na kapanahunan ng Mesias.  Sa pangalawang bahagi, pinagsamasama ang ika-9 magpahanggang ika-14, na naglalaman ng mga pahayag hinggil sa inaasam-asam na Mesias, maging ang "pangwakas na kahatulan."<ref name=Biblia3/>

May naghati rin sa ''Aklat ni Zacarias'' sa tatlong pangkat.  Naglalaman ang unang pangkat ng walong pangitain.  Mayroon ding isang maikling "paanyaya ng pagsisisi" sa bungang ang pangkat na ito.  Sa ikalawang pangkat, matatagpuan ang pagtalakay sa gawain ng pag-aayuno.  Sa ikatlo't panghuling pangkat naman matatagpuan ang nauukol sa "pagtatagumpay at paghahari ng Diyos" sa buong mundo.<ref name=Biblia/>