Binabago ang Barack Obama (seksiyon)

== Talambuhay ==
Nagtapos si Obama mula sa [[Columbia University|Pamantasan ng Columbia]] at sa [[Harvard Law School|Paaralan ng Batas ng Harvard]], kung saan naglingkod siya bilang pangulo ng ''[[Harvard Law Review]]''.  Nagtrabaho si Obama bilang tagapangasiwang pampamayanan at naglingkod bilang isang manananggol na pangkarapatang sibil bago magsilbi ng tatlong ulit sa [[Estado ng Illinois]] mula 1997 hanggang 2004.  Nagturo siya ng batas na makakakonstitusyon sa [[University of Chicago Law School|Paaralan ng Batas ng Pamantasan ng Chicago]] mula 1992 hanggang 2004.  Kasunod ng isang hindi matagumpay na hangaring makaupo sa [[U.S. House of Representatives|Kabahayan ng mga Kinatawan ng Estados Unidos]] noong 2000, inihayag niya ang kaniyang pangangampanya para sa [[Senado ng Estados Unidos]] noong Enero 2003.  Matapos ang paunang tagumpay (sa primarya) noong Marso 2004, nagbigay siya ng talumpati sa Kumbensiyon o Pambansang Pagpupulong ng Partidong Demokratiko noong Hulyo 2004.  Nahalal siya sa Senado noong Nobyembre 2004 na tumanggap ng 70 bahagdang mga boto.

Bilang kasapi ng mga Demokratikong minoridad sa ika-109 Kongreso ng Estados Unidos, tumulong siya sa paglikha ng lehislasyon sa pagkontrol ng mga sandatang kumbensiyonal o pangkaraniwan at sa pagtataguyod ng mas malawak na responsibilidad ng lipunan sa paggamit ng mga pondong pederal.  Nagsagawa rin siya ng mga opisyal na paglalakbay sa Katimugang Europa, Gitnang Silangan, at Aprika.  Sa kapanahunan ng ika-110 Kongreso ng Estados Unidos, tumulong siya sa paglikha ng batas hinggil sa pagla-''lobby'', mga katiwalian sa halalan, [[pagbabago ng klima]] ng daigdig, terorismong nukleyar, at pangangalaga ng mga nakabalik nang mga tauhan ng militar ng Estados Unidos.  Ipinahayag ni Obama ang kaniyang pangangampanya sa pagkapangulo ng Estados Unidos noong Pebrero 2007, at opisyal na nanomina bilang kinatawan para maging pangulo, sa Pambansang Pagpupulong ng mga Demokratiko noong 2008, na kasama ang senador ng [[Delaware]] na si [[Joe Biden]] bilang tumatakbong kandidato para sa pagkapangalawang pangulo ng Estados Unidos..