Nii muda smmalu patas Burundi (spugan)

= Burundi（蒲隆地） =
Gaga kska Meycow ka [[Burundi]], 3 30 S, 30 00 E ka gaga na nniqan.

Kana ka knlbangan na o 27,830 sq km（hangan na o Tg147）

(knlbanga dxgal o 25,680 sq km, knlbangan qsiya o 2,150 sq km). 

Kana ka sejiqun o niqan 11,099,298 hiyi. 

Gaga [[Bujumbura]] ka pusu alang paru, jiyax 1 idas 7 ka jiyax skrayan klwaan. 

Manu ka dxgal Burundi ga wada sugan 73.30%  ka dxgal qpahan, 6.60% ka dxgal bbuyu, rahuq dxgal do niqan 20.10% na.

Bukung klwaan ta sayang o kiya ka Pierre Nkurunziza, pnaah hngkawas2005 idas 4 jiyax 26pnrajing kmlawa klwaan.
[[Patas bntasan:Coat of arms of Burundi.svg|thumb|File:Coat of arms of Burundi.svg- Kwohwey(國徽)]]
[[Patas bntasan:Burundi (orthographic projection).svg|thumb|File:Burundi (orthographic projection).svg-Ida nkiya nniqan lnglingay (自然地理位置)]]
cinkhulan sa knita’ sa brbiru’

== Risu (歷史) ==
''Urongti'' ka ngayan na bale, suryo-suci de ''mgfongcen-wangkwo'' di. pnrading ckceka na sucyo-suci, ''[[:zh:英国|Ingkwo]]'', ''[[:zh:德国|Tokwo]]'', ''[[:zh:比利时|Pirisu]]'' teru alang nii mremux dheran ''Urongti'' nii. Knkawas 1890 dige, wada poxun na ''Tokwo'' ka wangceng bsiyaq qmnlahang hiya, ngala na dheran quri ''Yongge'' nTokwo, ma, knkawas 1916 de supi nPirisu wada mangal di. Bobo tiyicu-sucetacan, kworen de wada na biqan ''Pirisu'' ka dheran pnspuwan ''Ruanta-Urongti'', peeyah bukuy dmudul wangcu hiya ka meyah qmlahang. Betaq mnhedu tiarcu-sucetacan de, ''Ruanta-Urongti'' nii de ga twokwan-ringti na [[:zh:联合国|renhokwo]] duma di ma, ga na twokwan ''Pirisu'', knkawas 1962 idas 7 ali 1 de turi bale di ma, ''[[:zh:蒲隆地|Purongti]]'' wangkwo dheya di. Hani turi ka ''Purongti'' nii ge mnwang-cen dungan han, ani si knkawas 1966 de wada laxan sosyang Misear-Mikongpero pneyah supi ka wangcu tnloong hiya(hani ba gmneeluk wangwe ka heya duri), kika pheyu ''Purongti-konghokwo'', prading qqlahang ''cyunzun-tucay-cuceng''.   

Daha mingcu na bale ka alang ''Purongti'' nii. Seediq ''[[:zh:图西族|Tusi]]'' ka ye ba maha yicungpan nseediq ''Purongti'' nii ka peeyah [[:zh:16世纪|suryosuci]] ga dmoi tongcucen na, ga qmlahang to hari ttnlibu pingming-paysing kesun seediq [[:zh:胡图族|Hutu]], tikuh ba yencuming kesun ''[[:zh:特瓦人|Towa(Twa)]]'' ka ga tuumal hiya. So nii ka seediq tikuh ba ga hei qmlahang seediq rahul ge, ini ktkelang ka pusu na alang nii ma, so hari kingal naq, rmabang ba de dehuk knkawas 1993 idas 10. Ciida we, mnugaya ba mgyenso ''Purongti'' nii ka Hutuzun ma, hani ba mksepac idas mgyenso ma, tgkingal mingswen congtong ka [[:zh:梅尔希奥·恩达达耶|Mearsiaw‧Wuntataye]] ge wada gruusun slipaq na supi ga qlhangan situzun. Nhqilan na Wuntataye dige, psrading [[:zh:種族衝突|congcu-congtu]] nPuringti nii, ndaan daha congcu-congtu nii we, yaani wada 20[[:zh:萬|wan]] ka wada mhuqil ka seediq daha. Betaq ba knkawas 2002 de, cuccung na Citucunghu daka sepac ini pntena klegan Hutu-pancin we matis [[:zh:停戰協定|tingcan-seyi]] ka pntbale nkwoci, kika daka hiti ba kmciyuk seyhu ka beyax wucwang-cucu mingcu-cehwang(kari ''[[:zh:法国|Fakwo]]'' ge: Conseil National Pour la Défense de la Démocratie–Forces pour la Défense de la Démocratie，CNDD–FDD) wada mtpatis tingcan-seyi, pnttasan daha sotu na ''[[:zh:坦桑尼亚|Tansangniya]]'' knkawas 2006 idas 9 ali 7.     

== Tiri (地理) ==
''[[:zh:刚果|Purongti]]'' nii we alang ini ptsiyo rcilng, ga meniq so bobo [[:zh:東非大裂谷|tongfe-tareku]] hiya, so tqriru hari ka dheran na, quri hhreyan hido ka rcilung Takanyiko, asi lux mkdere paru ka ddgiyaq na, kiya ka pnswayan daha yayung [[:zh:尼罗河|Niroho]] daka yayung [[:zh:刚果|Kanko]] [[:zh:非洲|Feco]], “toma bahak”Feco kesun daha, 27830km² kana ka dheran na. 

== Nniqan(位置) ==
Ga meniq hunac cutaw na tongfe ka ''Purongti'' nii, alang ini ptsiyo rcilung paru, so mciwil hari ka dheran na, quri hhreyan na hido we ga msuayus daka ''Tansangniya'' ma, quri ggqiyan na hido ge ga msuayus ''Kangkwo-konghokwo'', quri daya na we ga msuauas ''Ruanta'', ga mswaye hini ka yayung ''Kangkwo'' daka yayung ''Niroho''.  

== Hnigan dheran(地形) ==
Kana hari alang ''nPurongti'' nii ge, hmrinas heyap 1500m, quri ggqiyan hido so pnsuayas na ''Ruanta'' hii we, to ddqiya kdere paru, rmabang ba knbrawan na we maha 2760m, snpagan dheran na we mslebu quri hhreyan hido, ani dehuk ''Tansangniya'' nana we hmrinas 1300m dungan. Quri ggqiyan hido we mquri ''Tansangniya'' de, asi lux mslebu dehuk icil na ''Tongfe-tareku''. 

== Qsiya(水系) ==
Hunac na ''Tongfe-tareku'' we niqan yayung ''Rucici'' ma rcilung ''Tankanyiko'', kwocihu ka rcilung ''Tankanyiko'' nii, ga dheran na ''Purongti'' ka mddeka rcilung nii. Ga quri ggqiyan dheran na we niqan rcilung ''Cifu'' duri. 

== Karac(氣候) ==
Karac na we so bsuring mttilux, qquyux na kingal knkawas we 1200mm betaq 1600mm. Ani naq ga meniq cutaw we, ado ka bbaro dheran na ma egu quyux dheran daha quri hini. Ado ini bleqi smmalu ka sweri na, kika knteetu srnecu paru ma egu snliqan na, maku mnkala baro ka qsiya na rcilung ''Tankanyiko'', asi lux naqah kana ka ''kongyeci'', suci ma eluw kssiyo na rcilung ''Tankanyiko'' nii, moda naq we naqah ba bale.      

== Singcung cihwa(行政區劃) ==
17 kana ka ''sungci-singcengci'' na ''Purongti'' nii, knkawas 2000 han we, mtdaha ka ''singcengci nPusongpura,'' kika ''Pusongpura-su'' ma ''Pusongpura-syang.''
{| class="wikitable"
|+
!
!Singcung cihwa(行政區劃)
|-
|1
|Pupanca-sung
|-
|2
|Pusongpura cengsu-sung
|-
|3
|Pusongpura syangcun-sung
|-
|4
|Pururi-sung
|-
|5
|Kankuco-sung
|-
|6
|Sipitwokay-sung
|-
|7
|Citocya-sung
|-
|8
|Karuci-sung
|-
|9
|Kayangca-sung
|-
|10
|Cirongto-sung
|-
|11
|Makanpa-sung
|-
|12
|Mramuweya-sung
|-
|13
|Muyingcya-sung
|-
|14
|Muwaro-sung
|-
|15
|Unkoci-sung
|-
|16
|Rutana-sung
|-
|17
|Ruyici-sung
|}  

== Cingci(經濟) ==
''Kafe'' daka ocya nii ka rmabang ba pptahan wayhwe daha, ani si qmita karac knkawas ciida ka ye egu nngalan daha ma ye tikuh ka nngalang daha, ma, ye niqan so mrrudu alang daha de tikuh ba nngalan daha. Blebun, srqemu, brisan duri we ririh lekuh ba pnhgalang daha duri. Cceka na pnhgalang nii peni na, pnhmaan daha blebun we tg10 kana laalang bobo dheran nii.  

== Nongye(農業) ==
''Nongye'' nii ge lekuh bale ''kwocya cingci'' daha, asi si ini riyung kmalu ka pphuma dada pnhgalang, anu muyu naq pphuma daha cbeyo nana, kika ini baka pnyahan pnhmaan daha. Niqan ''kafe'', wata, bunga qhuni, bbeluh, bunga, macu daha, blebun, brisan, trabus, bunga tumun ma mugi dnii ka pnhgalang daha; kwening, congriyo, pimayo, tmaku ma paye we, niqan tikuh pnhmaan daha, bunga qhuni, bberuh ma bunga msibus dnii ka ppuqun daha bale, meniq ka wata ma ''yoye'' we ga daha phmaan reku, hoku na ''Ciruru'' ka egu bale. 

== Simuye(畜牧業) ==
''Simuye'' nii ge ''cwantong-canye'', ga tmabu miric urung, miric lmiqu ma miric uban.  

== Yiye (漁業) ==
Ini kparu riyung ka yiye daha, ga mtgutu quri ''Tankan-yikohu'' hii kana, qcurux nngalan na knkawas 2005 we, maha bale 14200MT hari.

== Kwangye(礦業) ==
Alang ''Purongti'' nii ge ririh uka kwangcan, tikuh bale knriyan daha si, u ma king, ani betaq saya nana ge, ga daha ini dheki ''ticu-tiyawca'' ka ''kwangcna-cuyen'' daha.

== Kongye(工業) ==
Ririh so ga hani ba prading ka ''kongye'' daha nana, wano bale ''kafe'' ma menhwa cyakong nana, ma, smmalu sino biru ma qperas, ''kongtenryan'' na kana knkawas 2007 we 9200 ''wantu''(kw/hrs).

== Cyawtong(交通) ==
''Cyawtong'' daha we ini bale pmaanu, uka rulu puniq alang daha, 12,322km ka qndisan kana elu na rulu, 1286km bale ka niqan kurotaru, tg2 kdkarun daha kongru we 3700km, duma de tnugiyo elu biciq, kana elu daha duri we ini daha qlhangi ma, qmuyux de syqeyaq naqah daun. Kana kklegan rulu daha we, ye ba 48000 ryang. Niqan ka rulu daha mmaha quri ''Tansangniya'', niqan stmaun sapah skiya ka ''Pusongpura'', niqan sapah skiya ka pndngusan ali mmaha ''[[:zh:欧洲|Owco]]'', ''[[:zh:刚果民主共和国|Kangkwo-mingcu-konghokwo]]'' ma tongfe, ma, meyah dungan. 

== Kwoci mawyi (國際貿易) ==

=== Cuko-mawyi(出口貿易) ===
Quri cuko-mawyi daha, knkawas 2009 we 6800wan meyyen ka sucu-congcu na, kafe, ocya, sato, wata ma qraqil camac dnii ka cuyaw-sucuping na, cuyaw-susukwo na we ''Zwesu'', ''Ingkwo'', ''Pacisutan'', ''Pirisu'', ''Ruanta'' ma ''Ayci.'' 

=== Cinko mawyi(進口貿易) ===
Suzu-congcu na knkawas 2009 ''Purongti'' nii we, maha ba 2.75yi meyyen, cuyaw-suzu-ping na we cise, suyo-cuping, supping dnii. Cuyaw-suzukwo we ''Sauti-arapo'', Pirisu, Ukanta, Kenya, Congkwo, Fakwo, Tokwo, Ingtu, Tansangniya ma Tanah Tunux.

== Pnyahan pnatas(參考資料) ==
[[Snakun:Tgdaya]]
* Hnlitan na Dakis  Pawan
* [http://www.cia.gov/ CIA]
* [http://www.mofa.gov.tw/default.html 外交部]
* [https://en.wikipedia.org/wiki/List_of_current_heads_of_state_and_government List of current heads of state and government]
* https://zh.wikipedia.org/wiki/%E8%92%B2%E9%9A%86%E5%9C%B0<nowiki/>(參考自中文維基百科)