ILT102F Inngangur að iðnaðarlíftækni
Iðnaðarlíftækni er fjölbreytt fag sem nýtir undirstöður úr líffræði, efnafræði, lyfjafræði og verkfræði svo eitthvað sé nefnt.
Farið verður í undirstöðuatriði lítækninnar og hvernig hún nýtist í daglegu lífi okkar og í atvinnulífinu.
Námskeiðið er ætlað sem inngangur í líftækni sem skiptist í fimm flokka: (1) líftæknilyf, (2) iðnaðarlíftækni í efna- og matvælaiðnaði, (3) iðnaðarlíftækni í landbúnaði (4) hreinsun og vinnsla náttúruefna og (5) iðnaðarlíftækni í umhverfis- og orkuiðnaði. Gestafyrirlesarar úr bæði akademíu og atvinnulífinu munu halda valda fyrirlestra.
Námskeiðið er einnig hugsað til þess að ná utan um nemendahópinn í iðnaðarlíftækni, þar sem nemendur kynnast hver öðrum. Nemendur fá einnig að kynna hverjar áherslur sínar í náminu kunna að verða í samráði við kennara og fá leiðsögn í að byggja upp undirstöðuþekkingu fyrir sín eigin verkefni.
Að skilja undirstöðuatriði líftækninnar, hvað hún nær yfir og hvaða áherslur liggja í vali á viðfangsefnum í líftækni.
- Þekki þær grunnaðferðir sem notaðar eru í lítækni út frá líffræðilegum og efnafræðilegum grunni.
- Skilja tengsl atvinnulífs og líftækni.
Í þessu námskeiði á nemandinn að:
- Þekkja sögu líftækni og þróun hennar m.t.t. matvælaframleiðslu og landbúnaðs.
- Skilja hvaðan og hvernig lífvirk efni úr náttúrunni eru unnin.
- Skilja hvernig ensím og aðrir lífhvatar nýtast í iðnaði.
- Þekkja mun á hefðbundnum smásameinda lyfjum og líftæknilyfjum
- Kunna skil á hlut iðnaðarlítækninnar í umhverfis- og orkuiðnaði.
- Hafa innsýn í hvernig nýsköpunarfyrirtæki í líftækni verða til.
- Skilja hvað felst í hönnun líftækniferla og uppskölunar.
- Þekkja mörk líftækninnar og siðfræðileg sjónarmið.
- Hafa kynnst markaðsmálum í líftækni og hvernig vísindi og markaðir geta unnið saman.
- Fá færni í að kynna eigið efni.