Meistaranám í hagnýtri atferlisgreiningu er 120 eininga þverfræðilegt framhaldsnám og þar af skal hagnýtt rannsóknarverkefni vera 30 einingar. Rannsóknarverkefnið er unnið á öðru, þriðja og fjórða misseri meistaranáms í hagnýtri atferlisgreiningu.

Vor (2. misseri): Við lok þessa misseris á nemandi að velja sér viðfangsefni meistaraverkefnis í samráði við leiðbeinanda og hefja undirbúning. 

Haust (3. misseri): Á þessu misseri afmarka nemendur rannsóknarviðfangsefni sitt og rannsóknarspurningar og leggja fram ítarlega og vel rökstudda rannsóknaráætlun til samþykktar fyrir leiðbeinanda meistaraverkefnis hagnýtri atferlisgreiningu. Nemendur skulu enn fremur ljúka vinnu á fræðilegum bakgrunni verkefnisins á þessari önn og sjá um að senda umsóknir til viðeigandi aðila ef þörf krefur, t.d. Vísindasiðanefndar Íslands eða Vísindasiðanefndar HÍ, eftir því sem við á. 

Vor (4. misseri): Vinnu við lokaverkefnið lýkur á þessari síðustu önn námsins með skrifum fræðigreinar um rannsóknina.

Námsmat: Staðið/fallið.

Markmið meistaraverkefnis er að nemandi:

• Geti útskýrt og gefið dæmi um rannsóknaraðferðir í hagnýtri atferlisgreiningu.
• Geti sett fram og afmarkað rannsóknarspurningar og skrifað rannsóknaráætlun.
• Geti aflað sér upplýsinga og sótt um viðeigandi leyfi sé þess þörf.
• Hafi frumkvæði að og skipuleggi eigin rannsókn og framkvæmi hana.
• Geti skýrt markmiðum og niðurstöðum rannsóknarinnar fyrir fólki innan og utan fræðasviðsins.
• Geti skrifað fræðigrein um rannsóknina.