بلند اجود

بُلند اَجوِد ،ترکی کے سابق وزیر اعظم ہیں۔اپنی سیاسی زندگی میں پانچ بار ترکی کے وزیر اعظم بنے۔ انھیں سن دو ہزار دو میں اس وقت اقتدار سے الگ کیا گیا جب انھوں نے صحت کی خرابی کی بنیاد پر مستعفی ہونے سے انکار کر دیا۔ ان کو اس وقت ترکی میں اقتصادی مشکلات کے لیے ذمہ دار ٹھہرایا گیا تھا۔

بلند اجود
(ترکی میں: Mustafa Bülent Ecevit)
معلومات شخصیت
پیدائش	28 مئی 1925ء   استنبول
وفات	5 نومبر 2006ء (81 سال)  انقرہ
وجہ وفات	دماغی جریان خون
مدفن	ترک ریاستی قبرستان
طرز وفات	طبعی موت
شہریت	ترکیہ
جماعت	ڈیموکریٹک لیفٹ پارٹی (ترکیہ) (1987–2004) جمہوری خلق پارٹی (1954–1980)
مناصب
کونسل آف یورپ کی پارلیمانی اسمبلی کا نمائندہ
برسر عہدہ 28 اپریل 1958  – 1 اپریل 1959
وزیر اعظم ترکی
برسر عہدہ 26 جنوری 1974  – 17 نومبر 1974
وزیر اعظم ترکی
برسر عہدہ 21 جون 1977  – 21 جولا‎ئی 1977
سلیمان دمیرل   سلیمان دمیرل
وزیر اعظم ترکی
برسر عہدہ 5 جنوری 1978  – 12 نومبر 1979
سلیمان دمیرل   سلیمان دمیرل
نائب وزیر اعظم ترکی
برسر عہدہ 30 جون 1997  – 11 جنوری 1999
تانسو چیلر
وزیر اعظم ترکی
برسر عہدہ 11 جنوری 1999  – 28 مئی 1999
بلند اجود
وزیر اعظم ترکی
برسر عہدہ 28 مئی 1999  – 18 نومبر 2002
بلند اجود   عبد اللہ گل
عملی زندگی
مادر علمی	رابرٹ کالج اسکول آف اورینٹل اینڈ افریقن اسٹڈیز، یونیورسٹی آف لندن جامعہ انقرہ
پیشہ	سیاست دان ،  مصنف ،  شاعر ،  مترجم ،  صحافی ،  سفارت کار
مادری زبان	ترکی
پیشہ ورانہ زبان	ترکی ،  انگریزی ،  سنسکرت ،  بنگلہ
اعزازات
آرڈر آف اسٹار آف رومانیہ
دستخط

بلند اجود

اجود نے 1974ء میں قبرص میں ترک اقلیت کے تحفظ کے لیے جزیرے پر حملے کا حکم دیا تھا جس کے بعد ہونے والی قبرص کی تقسیم آج بھی قائم ہے۔ اجود نے ترکی کو یورپی یونین کی رکنیت اور مغرب کے قریب لانے میں اہم کردار ادا کیا۔ اجود سوشلسٹ تھے اور انھوں ملک میں مذہبی جماعتوں کی سخت مخالفت کی۔ انھوں نے 1974ء میں ترکی میں پہلے بائیں بازو سے تعلق رکھنے والے وزیر اعظم کی حیثیت سے عہدہ سنبھالا لیکن اپنے سماجی جمہوری نظریات کے باوجود وہ انتہائی قوم پرست رہے۔ قبرص پر حملے کے بعد ترکی میں انھیں ہیرو کا درجہ مِل گیا لیکن سال ختم ہونے سے پہلے ان کی مخلوط حکومت ٹوٹ گئی اور وہ اقتدار سے ہٹ گئے۔

1980ء کی دہائی میں فوجی بغاوت کے بعد انھیں قید میں بھی رکھا گیا۔ ان کے خلاف دس سال تک سیاست میں حصہ لینے پر پابندی رہی جس دوران انھوں نے ایک اعتدال پسند بزرگ سیاست داں کی شہرت حاصل کر لی۔ انیس سو نناوے میں ان کے دورِ اقتدار میں ترکی کو یورپی یونین کی رکنیت کے امیدوار کے طور پر تسلیم کر لیا گیا۔

2002ء میں ترکی میں کرنسی کی قیمت میں کمی کے بعد حالات اتنے خراب ہو گئے کہ معیشت کو بچانے کے لیے آئی ایم ایف کی مدد حاصل کرنا پڑی۔ بلند اجود نے انتخابات میں ناکامی کے بعد سن دو ہزار چار میں فعال سیاست سے علیحدگی اختیار کر لی۔