Poznan
Poznan — Polshaning gʻarbiy qismidagi shahar, Varta daryosi boʻyida. Poznan voyevodasining maʼmuriy markazi. Axrlisi 578,2 ming kishi (1999). Transport yoʻllarining yirik tuguni. Aeroporti xalqaro ahamiyatga ega. Poznan — mamlakatning muhim iqtisodiy va madaniy markazi. Mashinasozlikning turli sohalari (jumladan, transport, qishloq xoʻjaligi, aniq mashinasozlik, elektrotexnika, priborsozlik va podshipniklar ishlab chiqarish) rivojlangan. Oziq-ovqat, rezina, parfyumeriya, tikuvchilik, oynashisha, poligrafiya sanoati korxonalari mavjud. Poznanda har yili xalqaro va milliy yarmarkalar oʻtkaziladi. Universitetlar, teatrlar, muzeylar bor. Shaharga IX asrda asos solingan. X—XI asrlarda Polsha knyazlari qarorgohi boʻlgan. XIII—XIX asrlarga oid meʼmoriy yodgorliklar, xususan, gotika kostyoli (XIII—XV asrlar), ratusha (XIII—XVI asrlar) saqlangan[1].
Manbalar
tahrir| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |